Jańa qaýlyda 2020-2021 oqý jylynyń úshinshi toqsanynan bastap 300 oqýshyǵa deıingi kontıngenti bar qalalyq jáne aýyldyq mektepterde dástúrli formatta oqytýǵa bolady delingen. Biraq ol jerdegi balalar sany 15 adamnan aspaýy kerek.
Sondaı-aq, jalpy bilim beretin mektepterde kezekshi synyptarda, 1-den 5-ke deıingi synyptarda, halyqaralyq mektepterde – ata-analarynyń qalaýy boıynsha 15-ten aspaıtyn synyptardyń tolyq jıyntyǵyn eskere otyryp, 7-synypqa deıin bilim berý dástúrli formatta júrgiziledi.
"Al oqý bitiretin synyptar (9, 11 (12) synyptar) úshin aptanyń 6 kúni ishinde aralas oqytýǵa: pánderdiń 70%-in shtattyq rejımde, 30%-in qashyqtyqtan oqytylady. Biraq synypta 15 adamnan artyq emes, áleýmettik qashyqtyq saqtalyp, 1 synyp – 1 kabınet qaǵıdaty boıynsha oqytylýy tıis. Sonymen qatar, bir ýaqytta mektepte jobalyq qýattyń 30%-inen aspaıtyn adam bolyp, sanıtarııalyq-dezınfeksııalyq rejım saqtalyp, maska rejımi kúsheıtilýi kerek", dedingen qaýlyda.
Al ekinshi semestrden bastap kolledjder men joǵary oqý oryndarynyń birinshi kýrs stýdentteri úshin kúndizgi oqytý qaıta qolǵa alynady.
