Tikeleı efır áleýmettik jelidegi teatrdyń resmı paraqshasynada kórsetiledi.
«Pandemııa men onyń saldary kórermenmen baılanystyń jańa túrlerin izdeýimizge túrtki boldy. Dúnıejúzinde teatr salasy úlken shyǵynǵa batyp otyr. Árıne, teatrda kórermenderdi qabyldaı alǵanymyzben, olardyń sany shekteýli. Eksklıýzıvti strımıng taratylymy osy túıtkildi sheshý jolyndaı kórinedi. Iаǵnı, osy arqyly biz kórermen sanyn shektemeımiz, buǵan qosa kórermenderimizdiń geografııasy da keńeıe túsedi. Karantın kezinde bul óte mańyzdy», deıdi «Astana balet» teatrynyń dırektory Aleksandr Sovostıanov.
Jańa strımıng alańynyń ereksheligi oǵan tek standartty tolyq formatty konsertter, spektaklder nemese derekti fılmder ǵana emes, 360 gradýs formatynda túsirilgen qoıylymdar enetin bolady.
360 gradýstyq túsirilim arnaıy kameramen jasalyp, tóńirektiń bárin qamtıdy. Qarapaıym jalpaq dıspleıden tamashalaǵan kezde kórermen kórsetilim baǵytyn panorama retinde ózi baqylaı alady, VR-kózildirik kıse, ózin sol kórsetilim ishinde júrgendeı sezinedi. 360 gradýs formatyndaǵy spektaklder ártisterdiń kameraǵa qarap áreket etkenine qaraı qoıylǵandyqtan, kórermen ózin erekshe kúıde sezinedi.
