Qazaqstan aýmaǵynda atmosferalyq prosesterdiń jyldam aýysýy boljanyp otyr.
Jylý men ylǵaldyń mol qorymen Atlantıkalyq sıklon Qazaqstannyń basym bóliginde qardyń mol túsýine, burqasyn soǵyp, jeldiń kúsheıýine jáne aýa temperatýrasynyń qysqa merzimdi kóterilýine ákeledi. Alaıda 30 jeltoqsanda sıklonnyń artynan Arktıka aýdandarynan sýyq aýa massalarynyń basyp kirýi kútiledi.
Sonyń nátıjesinde jaýyn-shashyn birtindep toqtaıdy, aýa temperatýrasy aıtarlyqtaı tómendeıdi.
Soltústikte túngi ýaqytta temperatýra 30-38 gradýsqa deıin tómendeıdi. Respýblıka boıynsha keı jerlerde tuman kútiledi.
Aıta keteıik, buǵan deıin Qazaqstannyń birneshe óńirinde aýa raýynyń qolaısyzdyǵyna baılanysty eskertý jarııalandy.
