Jobanyń jalpy quny – 87 mlrd teńge, bul rette QDB qaryzynyń kólemi 20 jyl merzimge 40 mlrd teńgeni, al qaryz alýshynyń menshikti qatysý úlesi - 47 mlrd teńgeni qurady. Banktiń qarjy qarajaty jabdyqtardy satyp alýǵa, sondaı-aq qurylys-montajdaý jumystaryna baǵyttalǵan.
Mámile Túrkistan oblysynyń áleýmettik-ekonomıkalyq damýynyń 2024 jylǵa deıingi keshendi jospary aıasynda júzege asyryldy.
Bıyl týrızm salasy búkil álemde pandemııanyń teris yqpalyna ushyraǵanyna qaramastan, Qazaqstannyń ishki jáne syrtqy týrızmdi damytý boıynsha úlken áleýeti, sondaı-aq álemdik qoǵamdastyqqa baı tabıǵı álem usyný múmkindigi bar. Atap aıtqanda, Túrkistan qalasy Uly Jibek jolynyń dál ortasynda ornalasqan jáne baı tarıhy men ekonomıkalyq damý áleýeti bar túrki áleminiń rýhanı astanasy bolyp tabylady.
«Kerýen-Saraı» týrıstik kesheni týrıster Túrkistan tarıhymen, Qazaqstannyń mádenıetimen, tarıhı tulǵalarymen jáne Ulttyq sportymen jaqynyraq tanysa alatyn óńirdegi eń aýqymdy joba bolady.
«Karavan-Saraı» kópfýnksıonaldy týrıstik kesheni 115 nómirge eseptelgen premıým klasty eki qonaq úıdi, jylyna 300 myń adam júrerlik saýda jáne otbasylyq-oıyn-saýyq ortalyqtaryn, sondaı-aq panoramalyq attraksıondy, spa-ortalyqtardy, kınoteatrdy jáne fýd-kortty qamtıdy.
Investısııalyq jobany 2021 jyldyń 1 toqsanynda paıdalanýǵa berý josparlanýda, tapsyrys berýshi – «Turkistan Silk Way Harbor» JShS.
Aıta keteıik, 2018 jyly Túrkistan oblys ortalyǵy mártebesin aldy, bul óńirdiń qarqyndy damýyna yqpal etti. Saýda belsendiligin arttyrý jáne halyqtyń ósýi úshin qalany damytýǵa Úkimet 2024 jylǵa deıin 1 trln teńgeden astam ınvestısııa salýdy josparlap otyr.
