Oblys ákimi apparatynyń ádep jónindegi ýákili Farıda Ahmetovanyń málimetine súıensek, byltyr jergilikti atqarýshy organdarda ishki konkýrsqa qatysqan 9 memlekettik qyzmetshi laýazymy joǵary qyzmetke taǵaıyndalypty. Endi bıylǵy jyl basynan beri 33 memlekettik qyzmetshi merıtokratııa qaǵıdatymen joǵarylap otyr. Memlekettik organdarda merıtokratııa qaǵıdalaryn saqtaýǵa qatysty túsindirý-profılaktıkalyq jumys, sondaı-aq onyń oryndalýyna turaqty monıtorıng júrgizilip keledi.
«Memlekettik qyzmettegi merıtokratııa – ýaqyt talaby. Bul qaǵıda memlekettik organdarǵa jumysqa qabyldanýdyń alǵy sharty esebinde qaralyp otyr. Memlekettik qyzmetke laıyqty kadrlardy irikteýge múmkindik beredi. Merıtokratııa prınsıpin nyǵaıtý sybaılas jemqorlyqty tamyrymen joıýǵa, memlekettik qyzmetke tek saýatty, bilikti kadrlardyń ornalasýyna yqpal etedi» deıdi ádep jónindegi ýákil Farıda Ahmetova.
