Eriktini Jambyl oblystyq polısııa departamentiniń bastyǵy, polkovnık Janat Súleımenov qabyldap, oǵan mınıstrdiń atynan arnaıy alǵys hat tabys etti.
Erkin Ábdıev Jambyl oblysynyń polısııa departamentine qarasty esirtki qylmysyna qarsy is-qımyl basqarmasynyń jumysyna kómek kórsete otyryp, esirtkige qarsy kúreske baǵyttalǵan túrli is-sharalarǵa únemi belsene qatysyp keledi.
«Men úshin bul – joǵary marapat! Meniń jumysym týraly Ishki ister mınıstrliginde belgili bolǵany óte qýantady. Men qoǵamǵa naqty paıda ákeletin osy baǵyttaǵy jumysymdy jalǵastyra beremin», deıdi Erkin Ábdıev.
