Ýkraına men Reseı prezıdentteri Sochıde kezdesip, eki jaq arasyndaǵy strategııalyq áriptestik jónindegi kelisimniń daıarlyǵyn sóz etti. Bul týraly Ýkraına premer-mınıstri Nıkolaı Azarovtyń málimdemesine silteme jasaǵan ITAR-TASS habarlady.
«Ýkraına prezıdenti Qytaıdaǵy saparynan qaıtyp bara jatyp, Sochıge toqtady. Onda aldyn-ala kelisilgen kezdesý ótti, – deıdi Nıkolaı Azarov. – Másele Reseı men Ýkraına arasynda strategııalyq áriptestik ornatý bolyp otyr».
Nıkolaı Azarov Reseı men Ýkraınanyń eki jaq arasyndaǵy sońǵy úsh jarym jyl ishinde oryn alǵan kelispeýshilikterdiń bárin joıýǵa múddeli ekenderin aıtady.
Ýkraınanyń syrtqy ister mınıstri Leonıd Kojaranyń aıtýynsha, birinshi kezekte, Sochıde kooprasııalardyń strategııalyq qarym-qatynasy jónindegi qujattyń maquldanýy sóz boldy. «Bul arqyly Ýkraına óndiris oryndarynda 500 myń jumys ornyn saqtap qala alady», – dedi ol. Ol sondaı-aq Ýkraınanyń Reseı Federasııasymen de, Eýropa Odaǵymen de strategııalyq áriptestik deńgeıin ornatqanyn alǵa tartty. «Al Kıevtiń eýroıntegrasııalyq baǵytta úzilis alýy Ýkraına ekonomıkasyna eshbir zııan keltirmeıdi», – dedi Leonıd Kojara.
Aıdar О́risbaev.
Derekkóz: Itar-tass.com
