Is-shara barysynda senatorlar ekonomıkanyń eń kóp zardap shekken sektorlary úshin bólshek salyq engizý, salyq pen tólem kólemin azaıtý, sondaı-aq ekonomıkany ártaraptandyrý jáne bıýdjetti tolyqtyrý úshin salyq mólsherlemesin dıfferensıasııalaý máselesin qarady.
«Bizdiń aldymyzda kásipkerler, jumys berýshiler jáne barsha azamattar úshin salyq mindettemelerin jeńildetý, sondaı-aq salyqty ákimshilendirýdi ońtaılandyrý mindeti tur. Osyǵan oraı senatorlar Memleket basshysynyń tapsyrmasy boıynsha Salyq kodeksine engizilgen túzetýlerdi qabyldady. Sonyń nátıjesinde jańa salyq rejimi – «bólshek salyq» engizildi. Bul salyq karantındik sharalardan zardap shekken shaǵyn jáne orta bıznes úshin 3 paıyzdy quraıdy. Sonymen qatar kásipkerler úshin salyq júktemesin tómendetýge qatysty zańnamalyq jumystar jalǵasa beredi», dedi komıtet jıynynda O.Perepechına.
