Almaty oblysy ákimdiginiń aqparaty boıynsha elimizde tótenshe jaǵdaı rejimi kezinde oblys eriktileri 26 myń otbasyna kómektesip, óńir turǵyndaryna 80 myń medısınalyq maska taratqan jáne jedel jeli telefony arqyly túrli máseleler boıynsha 50 myń turǵynǵa keńes bergen.
Osylaısha, 7 atalym boıynsha «Asyl Júrek» syılyǵynyń 7 jeńimpazdary marapattaldy:
«Asyl Júrek: Murager». Etno eriktilik – Aleksandr Son;
«Asyl Júrek: Jan jylýy». Áleýmettik volonterlik – Amangeldi Tolamysov, «Hareket» qaıyrymdylyq qorynyń volonteri»;
«Asyl Júrek: Tabıǵat Súıer». Eko volonterlik – Sergeı Tandeev, «Qaz EKO» qoǵamdyq qorynyń dırektory, «Volonterlik qozǵalys» ekotobyn qurýshy;
«Asyl Júrek: Haıýanattar qorǵaýshysy». Zoovolonterlik – Veronıka Gýzenko, «Zooklýb» qoǵamdyq qorynyń jetekshisi;
«Asyl Júrek: Kózsiz erlik». Tótenshe jaǵdaı eriktiligi – Oksana Ámirǵalıeva, «LIDER.KZ» joǵalǵan adamdardy izdeý» klýbynyń volonteri;
«Asyl Júrek: Bilgenimen bólisken». Onlaın-volonterlik – Álisher Bekmustafaev, Mektep volonterleri klýbynyń prezıdenti, «Birgemiz: Bilim-2020» jobasynyń múshesi;
«Asyl Júrek: Shıpager». Medısınalyq eriktilik – Almabek Batqalbekov, 2005 jyldan bastap Taldyqorǵan qalasynyń Jedel járdem stansasynda jumys isteıdi;
«Asyl Júrek: Halyq janashyry». Áleýmettik eriktilik – Hýmar Hadysuly, 2017 jyldan bastap Taldyqorǵan qalasyna qarasty Erkin eldi mekeniniń meshitinde jumys isteıdi.
Is-shara barysynda «Rýhanı jańǵyrý» qazaqstandyq qoǵamdyq damý ınstıtýtynyń basqarma tóraǵasy Danııar Esın «Asyl Júrek: Murager» atalymynyń jeńimpazy Aleksandr Son men «Asyl Júrek: Bilgenimen bólisken» atalymynyń úzdigi Álisher Bekmustafaevty marapattady.
Saltanatty sharany Almaty oblysynyń ákimdigi men Almaty oblysy boıynsha «Rýhanı jańǵyrý» óńirlik jobalyq keńsesi uıymdastyrdy.
