Qyrǵyzstannyń Bishkek jáne Osh qalalarynyń merlerin saılaý naýqany 2014 jylǵy qańtar aıynda ótedi. Muny «Astananyń mártebesi týraly» jáne «Osh qalasynyń mártebesi týraly» zańdar qabyldanýyna bastamashy bolǵan parlamenttegi «Ata Meken» fraksııasynyń lıderi Omýrbek Tekebaev senbi kúni KırTAG tilshisine baıandady.
«Bishkek jáne Osh qalalarynyń merlerin saılaý 2014 jyldyń ortasynan keshikpeı ótkiziledi», - dep málimdedi Tekebaev. Ol sondaı-aq prezıdent qol qoıǵannan keıin «Astananyń mártebesi týraly» jáne «Osh qalasynyń mártebesi týraly» zańdardyń baspasóz jarııalanýy tıis ekenin de túsindirdi. «Zańdar kúshine engennen keıin 10 kún merzimniń ishinde Ortalyq saılaý komıssııasy saılaýdyń ótetin naqty ýaqytyn belgileýi tıis», - dedi ol. Fraksııa lıderi aıtyp ótkendeı, premer-mınıstr men qalalyq keneshter mer oryntaǵyna úmitkerlerdiń aty-jónderin saılaý ótetin kún belginennen keıin 20 kúnnen keshiktirmeı ataýlary kerek.
«Osylaısha Bishkek pen Oshtyń merleriy saılaý aldaǵy jyldyń qańtar aıynyń ortasyna keshiktirilmeı ótýleri tıis», - dep oıyn túıindedi Tekebaev.
Buǵan deıin habarlanǵandaı, «Astananyń mártebesi týraly» jáne «Osh qalasynyń mártebesi týraly» zańdardy Jogorký Kenesh 31 qazan kúni qabyldaǵan bolatyn. Zańdar prezıdentti qol qoıýy úshin onyń appartyna 13 qarasha kúni jiberildi.
Zańnamaǵa sáıkes, endi prezıdent bir aıdyń ishinde olarǵa ne qol qoıýy, ne keri qaıtarýy tıis.
Eske túsire keteıik, premer-mınıstr Jantoro Satybaldıev Osh qalasynyń meri Melıs Myrzakmatovty ornynan bosatý týraly ókimge 5 jeltoqsanda qol qoıdy. Al Bishkek qalasynyń ákimi Isa Omýrkýlov sonyń aldynda óz erkimen otstavkaǵa ketken bolatyn.
Aıtqandaı, Osh qalasynda keshe bastalǵan ereýil keshke qaraı tarap ketti. Onda jınalǵandar aldyna M.Myrzakmatovtyń ózi shyǵyp, aldaǵy saılaýǵa ózin-ózi usynatynyn málimdedi.
Sáken Maılybaı.
Derekkóz: KırTAG.
