Tótenshe jaǵdaılar departamenti baspasóz qyzmetiniń aqparatyna súıensek, dıspetcherlik pýltke saǵat 11:20-da «Rybohod» kanalyna júk tıegish kóliktiń túsip ketkeni habarlanǵan.
«49 jastaǵy azamat júk tıegish kóligimen kanaldyń kelesi betine ótpek bolǵan. Alaıda muz oıylyp, kólik kanalǵa batyp ketken. Oqıǵa ornyna jedel jetken jedel-qutqarý jasaǵynyń qutqarýshylary atalǵan kanaldyń tereńdigi 2 metr, muzdyń qalyńdyǵy 30 sm bolatynyn anyqtady. Al kóliktiń batyp ketken jeri jaǵadan shamamen 45 metr qashyqtyqta ekeni belgi boldy» dep habarlady departamenttiń baspasóz qyzmetinen.
Qutqarýshylar kanal muzyn oıyp, súńgýirler sý astyndaǵy kólikke arqandy bekitken. Sodan keıin «DT-75» traktorynyń kómegimen júk tıegish kólikti jaǵaǵa súırep shyǵardy.
