«Azamattardy qabyldadym. Jalpy, bıyl 1 myńnan astam turǵyndy qabyldappyn. Pandemııa bastalǵannan beri kezdesýler onlaın rejımge aýysty. Aı saıynǵy qabyldaýlardy apta saıynǵyǵa aýystyryp, qabyldanǵan adamdar sanyn arttyrdyq.
Máseleler ártúrli, biraq negizinen baspana, qosymsha bilim alý, jumysqa ornalasý, eldi mekenderdi damytý jáne taǵy basqalarǵa qatysty.
Osyndaı suraqtarmen keletinderdiń bárine kómek kórsetý úshin júıeli sharalar qabyldadyq.
Mysaly, kúzde turǵyn úı salasynda qyzmet kórsetetin biryńǵaı ortalyq ashtyq (Respýblıka dańǵyly, 32). Ol jerden baspanaǵa kezek nómirin, kezekke qalaı turýdy, túrli turǵyn úı baǵdarlamalary mehanızmderin jáne taǵy basqa máselelerdi bilýge bolady. Buǵan qosa, baspana baǵdarlamalaryna, turǵyn úı sertıfıkaty mólsherine jáne taǵy basqalaryna birqatar ózgeris engizdik.
Bizge áleýmettik máselelerdi sheshýge «Januıa» otbasy ınstıtýtyn qoldaý ortalyǵy kómektesedi (Beıbitshilik kóshesi, 14). Ol jerden qalalyqtarǵa «bir tereze» qaǵıdaty boıynsha 70-ten astam memlekettik qyzmet kórsetiledi. Ashylǵan sátten, ıaǵnı 2019 jyldyń tamyzynan bastap - 41,5 myń azamat kómek surap keldi.
Bıyl «Jumyspen qamtýdyń jol kartasy» baǵdarlamasy boıynsha 15 myńnan astam adamdy jumysqa ornalastyrdyq. Bul baǵdarlama boıynsha birqatar mańyzdy áleýmettik jobany júzege asyrdyq. Sondaı-aq oqý oryndary túlekteri úshin granttar sanyn arttyryp, turǵyndarǵa jaqyn jerlerden «Úı mańyndaǵy dáriger» atty 29 nysan ashtyq. Bul taǵy 180 myń qala azamatyn qamtýǵa múmkindik berdi.
Sonymen qatar, erekshe balalar tárbıelep otyrǵan ata-analardyń ótinishin eskerip, bıyl 5 ońaltý ortalyǵyn ashtyq.
Buǵan qosa, qalany aralaý kezinde turǵyndarmen kezdesip, olardyń ótinishteri boıynsha jumys atqaramyz. Bul sharanyń bári Memleket basshysynyń «Halyq únine qulaq asatyn memleket» tujyrymdamasyna kóshý boıynsha mindetterdi júzege asyrýǵa múmkindik beredi»,– dep jazdy Altaı Kólginov.
