Saılaýǵa daıyndyq máseleleri pysyqtaldy

Otyrysta OSK tóraǵa­sy­nyń orynbasary Konstantın Petrov Caılaý týraly zańǵa sáı­kes árbir azamat saılaýshy­lar tizimindegi ózi týraly de­rekterdi tekserýge jáne ti­zimge engizilmegeni, durys en­gi­zil­megeni nemese tizimnen shy­ǵa­rylǵany týraly, son­daı-aq tizimdegi saılaýshy týraly derek­terde jiberil­gen dálsiz­dik­ter týraly shaǵym­danýǵa quqyly ekenin habarlady.

Azamatty naqty saılaý ýchas­kesindegi saılaýshylar tizi­mine engizý úshin onyń sol saı­laý ýchaskesiniń aýmaǵynda tur­ǵylyqty jeri boıynsha tirkeý qajet. 2019 jylǵy 1 qarashadan bastap Qazaqstanda mekenjaı anyqtamasyn usyný jónindegi memlekettik qyzmettiń kúshin joıǵanyn eskere otyryp, Ortalyq saılaý komıssııasy Sıfrlyq damý, ınnovasııalar jáne aeroǵarysh ónerkásibi mınıstr­ligimen birlesip, E-gov por­ta­lynda azamattardyń tir­kel­gen jeri boıynsha máli­met­terdi tekserýdiń onlaın-ser­vısin iske asyrý máselesin pysyqtady.

OSK múshesi Erlan Daýyl­baev saılaý aldyndaǵy úgit kezeńinde komıssııaǵa kelip tús­ken ótinishterdi qaraý pro­sesi týraly baıandady. 10 jáne 28 jeltoqsan aralyǵynda OSK-ǵa 29 ótinish kelip túsken, onyń ishinde 12 ótinish – zańdy tulǵalardan, 3-eýi – buqaralyq aqparat quraldarynan,  14-i – jeke tulǵalardan. О́tinishterdiń kóbi saılaý zańnamasyn túsin­dirý týraly bolǵan. Odan bólek 22 qazan men 28 jeltoqsan ara­lyǵyndaǵy kezeńde OSK-ǵa 11 zańdy tulǵadan qoǵamdyq pikirge suraý salý týraly habarlamalar kelip tústi. Jeke jáne zańdy tulǵalardyń óti­nishteriniń basym kópshiligi saılaý zańnamasyn túsindirý máselelerine qatysty ekenin eskere otyryp, Ádilet mı­nıstr­ligi 10 jeltoqsannan bas­tap halyqqa, uıymdarǵa 119 nómiri boıynsha Sall-ortalyq ar­qyly quqyqtyq konsýltasııalar berip keledi.

Sheteldik baıqaýshylarǵa keler bolsaq, 22 qazanda saılaý­dy halyqaralyq baqylaý ıns­tıtýty ashylǵannan beri OSK 6 halyqaralyq uıym men 18 shet memleketten 276 baıqaýshyny tirkegen. 29 jeltoqsandaǵy jaǵ­daı boıynsha Syrtqy ister mınıstrliginen taǵy 7 halyq­aralyq uıym men 11 shet memleketten 98 baıqaýshy akkredıtteýge usynyldy.

Saılaý naýqany bastal­ǵannan beri barlyǵy 9 halyq­aralyq uıymnan 374 baıqaýshy akkredıtteldi (TMD PAA – 48, TMD IK – 177, IYU – 4, EQYU – 39, EQYU/ DIAQB PA – 9, ShYU – 15, TMYK – 7, UQShU PA – 6, TúrkPA – 9 jáne 26 shet memleket (Iordanııa, Qyrǵyzstan, Maldıv araldary, Moldova, Túrkııa, Ázerbaıjan, Armenııa, Indonezııa, О́zbekstan, Rýmynııa, Úndistan, Fılıppın, Vengrııa, Ispanııa, Norvegııa, Fransııa, Shveısarııa, Polsha, Reseı, Chehııa, Italııa, Estonııa, Ýkraına, Germanııa, Belgııa, Palestına). Saılaý týraly Konstıtýsııalyq zańǵa sáıkes shet memleketter men halyqaralyq uıymdardyń baıqaýshylaryn akkredıtteý daýys berý kúninen bes kún buryn, ıaǵnı 2021 jylǵy 4 qańtar kúngi saǵat 18.00-de aıaqtalady.

Saılaý kúngi qaýipsizdik sharalary boıynsha Densaýlyq saqtaý vıse-mınıstri – Bas mem­lekettik sanıtarlyq dári­geri Erlan Qııasov sóz sóı­ledi. Halyq arasynda COVID-19 koronavırýstyq ınfek­sııasynyń taralýynyń aldyn alý maqsatynda daýys berý kúni saılaý prosesiniń barlyq qatysýshylary ýchaskege kelgen kezde maska taǵyp, qolǵap kııýi qajet. Sondaı-aq qoldy dezınfeksııalaýǵa arnalǵan sanıtaızerlerdi paıdalanýy, bir-birinen keminde 1,5-2 metr áleýmettik qashyqtyqty saqtaýy, qol alysýdan nemese tikeleı baılanystyń basqa túrlerinen aýlaq bolyp, jeke qalam paıdalanýy shart.

Indettiń taralýy boıynsha qyzyl jáne sary aımaqtarda orna­lasqan óńirlerde saılaý ko­mıs­sııalarynyń barlyq mú­she­leri, senim bildirilgen adam­dar, baıqaýshylar daýys berý kúni saılaý ótkizý bas­tal­ǵanǵa deıin 5 táýlikten erte emes ýaqytta PTR-taldaý ádisi­men zerthanalyq tekserýden ótýi tıis. Otyrysta sonymen qatar saıası partııalar týraly aqpa­rat­tyń biryńǵaı formaty belgilendi.