Tarıhı mýzeıde uıymdastyrylǵan kórmege 200-den astam ártúrli jańajyldyq atrıbýt qoıylǵan. Kórme sóreleri zamanaýı shyrsha oıynshyqtarymen qatar, keńestik kezeńniń kózindeı antıkvarıat dúnıelermen tolyqtyrylǵan.
Buryn-sońdy uıymdastyrylmaǵan kórmege kelýshiler jańa jyl qarsańynda jazylǵan kóne hattardy, XIX ǵasyrdyń aıaǵynan bastap, búgingi kúnge deıingi shyrshany bezendirýge arnalǵan zattardy kóre alady.
– Erekshe áserdemin. Beınebir balalyq shaǵyma qaıta oralǵandaı sezimde turmyn. Ol zamannyń salty boıynsha týǵan-týystarǵa, jora-joldastarǵa aq paraqqa aq tilegimizdi aqtaryp otyryp hat jazýshy edik. Mine, kórmede sol zamannyń ashyqhattaryn, shyrshaǵa iletin keńestik oıynshyqtardy kórip, bala kúnim eske tústi, – deıdi mektep muǵalimi Laýra Qajanova.
Kórmeni uıymdastyrýshy Vladımıra Solovevanyń aıtýynsha, jańajyldyq sarǵaıǵan hattardyń, oıynshyqtardyń óz tarıhy bar eken.
Sonymen qatar «Byltyrǵy qar-2020» atty kórmeden jergilikti qolónershiler jasaǵan jańajyldyq zattar da oryn tapqan. О́tken ǵasyr men búgingi zamandy ushtastyra uıymdastyrylǵan kórme 2021 jyldyń 20 qańtaryna deıin jalǵasady. Kórmeni tamashalaımyn deýshiler, shekteý sharalaryna oraı aldyn ala telefon arqyly jazylyp, belgilengen ýaqytta ǵana kelýlerine ruqsat.
SEMEI
