QR Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń basshysy Q.Súleımenovtiń aıtýynsha, «Ashyq ákimdik» keńsesi Memleket basshysy Qasym-Jomart Toqaev usynǵan «Halyq únine qulaq asatyn memleket» tujyrymdamasyn iske asyrý úshin qolǵa alyndy. Basty maqsat – turǵyndardyń ótinishine den qoıyp, olar kezikke máselelerdiń tez sheshimin tabýyna yqpal etý. Sondaı-aq sybaılas jemqorlyq áreketiniń aldyn alyp, jolyn kesýdi kózdelip otyr.
«Atalǵan joba – «open space» formatynda halyqqa qolaıly jaǵdaı qalyptastyrýdaǵy eń ońtaıly nusqa. Munda turǵyn úı kezegi, áleýmettik sala, jer máseleleri boıynsha arnaıy mamandar qyzmet kórsetedi. О́z-ózine qyzmet kórsetý buryshy da bar. «Ashyq ákimdik» keńsesinde 104 memlekettik qyzmettiń 34 túrin birden alýǵa bolady» deıdi aýdan ákimi Meıirim Qalaýı.
Aýdan ákimdiginiń ǵımaratynda ornalasqan «Ashyq ákimdik» keńsesinde balalarǵa arnalǵan oıyn alańy jasaqtaldy. Munda aýdan ákimi azamattardy jeke máselelermen qabyldaıdy.
