Polısııanyń habarlaýynsha, Saryaǵash aýdandyq polısııa bólimine belgisiz azamat habarlasyp jergilikti turǵynnyń esirtki satýmen aınalysqany týraly habarlaǵan.
«Habarlamany alǵan polıseıler birden atalǵan jaıtty tekserýge kiristi. Kúdiktini qylmys ústinde ustaý úshin qajetti sharalardyń barlyǵyn atqarady. Osylaısha iske asyrylǵan jumystardyń nátıjesinde jergilikti turǵyn kelesi adamǵa esirtkige uqsas zatty satyp turǵan jerinen ustalady», delingen aqparatta.
Atalǵan jaıtqa sáıkes QR QK-niń 297-baby (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tergeý amaldary júrgizildi.
Tıisti saraptamalar taǵaıyndalyp, tárkilengen zattyń 3,82 gramm gashısh ekendigi anyqtaldy. Osydan soń ustalǵan azamat qamaýǵa alynyp, tergeýshilermen tergeý isteri júrgizildi.
Saraptamalar taǵaıyndaıdy. Kúdikti kinásin moıyndady.
«Kúdikti óz aram oıyn iske asyrý úshin polıetılen paketke gashısh esirtki zatynyń 3,82 gramyn salyp, 2000 teńgege satqan. Ol buryn sotty bolmaǵan jergilikti turǵyn bolyp shyqty», dep habarlady polısııa.
Kúdikti bes jylǵa sottaldy.
