Jyl qorytyndysy boıynsha ÝEFA reıtıngin eki dúrkin álem chempıony, jeti dúrkin Eýropa birinshiliginiń jeńimpazy Ispanııa (2209,692 upaı) quramasy bastap tur. Ekinshi orynǵa 2018 jylǵy Eýropa chempıony Portýgalııa (2116,631) jaıǵassa, úshinshi orynǵa Reseı (2098,095) quramasy turaqtaǵan. Soltústiktegi kórshimizden bir upaı kem jınaǵan jerlesterimiz (2097,180) jyldy tórtinshi orynmen aıaqtady.
Aıta keteıik, Eýropa chempıonatynyń irikteý kezeńine qatysyp jatqan Qazaqstan ulttyq quramasy alǵashqy oıynyn osy aıda Majarstan fýtzalshylaryna qarsy ótkizip, 5:0 esebimen jeńiske jetken bolatyn. Endi jerlesterimiz kelesi oıynyn 2021 jyldyń 28 qańtarynda syrt alańda Izraılmen ótkizedi.
