Salyq ósimpuly keshirilgen kezeń

Salyq raqymshylyǵy búgin, ıaǵnı 31 jeltoqsanda aıaqtalady. Resmı derekterge súıensek, bul múmkindikti 820 157 qazaqstandyq tıimdi paıdalanǵan. Olar 11,5 mlrd teńge kólemindegi negizgi qa­ryzdy japqan. Sonyń nátı­je­sin­­de atalǵan qaryzdar boıynsha jı­naqtalǵan 1,4 mlrd kólemindegi ósimpul keshirildi.

Memlekettik kirister komı­te­tiniń habarlaýynsha, el tur­ǵyn­da­ry 100 299-y kólik salyǵyn, 482 587-si jer salyǵyn jáne 505 677-si múlik salyǵyn tólemegen. Búgingi tańda 21 qazaqstandyqtyń moınynda 4 mln teńge kólemindegi kólik salyǵy bar. 15 qazaqstandyq 1 mln teńge kólemindegi jer saly­ǵyn tólemegen. Sondaı-aq 33 adam 1 mln teńge kólemindegi múlik salyǵyn memleketke tóleýi tıis.

Jalpy alǵanda salyq raqym­shy­lyǵyna deıin 1,5 mln jeke tulǵanyń 24,6 mlrd teńge kóle­min­de­gi salyqtyǵy bereshegi bolǵan edi. Onyń 20,3 mlrd teńgesi – negiz­gi bereshek, 4,3 mlrd teńgesi – ósimpul.

2020 jyly qarjy sala­syndaǵy sıfrlandyrý ju­mys­­tary da oıdaǵydaı jal­ǵas­ty. Bul da memleket mańyz berip otyrǵan úlken min­detterdiń biri. О́ıtkeni sıfr­landyrý kóleńkeli ekonomıkanyń úlesin qysqartyp, qyzmetter sapasyn arttyrýǵa jol ashady. Sondaı-aq bıýdjetke qosymsha túsimder túsirýdi qamtamasyz etedi. Osy oraıda, «ASTANA-1» júıesin bóle-jara atap ótýge tıispiz. Qarjy mınıstrliginiń habarlaýynsha, qarasha aıynyń ortasyndaǵy derek boıynsha «ASTANA-1» júıesinde 2,7 mln-nan astam deklarasııa óńdelgen. Onyń ishinde 2,2 mln-nan astam deklarasııa avtomatty rejimde 1 mınýttyń ishinde shyǵarylǵan.

Sonymen qatar syrtqy eko­nomıkalyq qyzmetke qatysý­shylar úshin eksporttyq-ım­porttyq operasııalar boıynsha «Bir tereze» portaly iske qosyldy. Onyń jumysy kedendik re­simdeý úderisterine deıin týyn­­daı­tyn taýardy jikteý bo­­ıynsha túrli sertıfıkattar­dy, ruqsattardy, aldyn ala sheshim­der­di alý máselelerin sheshýge baǵyttalǵan.

Sıfrlandyrý baǵytyndaǵy kelesi qadam taýarlardyń tańba­lanýy bolmaq. «Tańbalaý» aqpa­rattyq júıesi tutynýshyny kont­rafaktilik ónimnen jáne josyq­syz básekelestikten qor­ǵaıdy.

Taýarlardy qujattyq turǵy­dan baqylaý «Elektrondy shot-faktýralar» aqparattyq júıe­sinde júzege asyrylýda. Onda qosymsha qun salyǵyn tóleýshiler 2019 jylǵy 1 qańtardan bastap shot-faktýralardy elektrondy túrde toltyrady. Bul ta­­ýar aǵyndarynyń ashyqtyǵyna qol jetkizýge, baqylaý jáne qo­sym­sha qun salyǵyn qaıtarý rásimderin ońtaılandyrýǵa múm­­kindik beredi. Budan bólek, «Elektrondy shot-faktýralar» aq­parattyq júıesinde salyq tóleýshilerge yńǵaıly bolý úshin oryndalǵan jumystardyń aktileri, elektrondyq sharttar, sondaı-aq «Vırtýaldy qoı­ma» modýli iske asyryldy. Onda vırtýaldy belgiler boıyn­sha ta­ýar­dyń qozǵalysy qadaǵa­la­nady. Qadaǵalanatyn taýarlar júıesindegi sońǵy qadam – onlaın baqylaý-kassalyq mashınasyn qoldaný. Ol saýda túsiminiń málimetterin tirkeıdi jáne olardy memlekettik kirister organ­darynyń serverine onlaın re­jimde usynady.

Aldyn ala derekter boıynsha bıylǵy 11 aı­dyń qo­rytyndysy boıynsha memle­ket­tik bıýdjettiń atqarylý kór­set­kishteri jospar­da­ǵydaı oryndalǵan. Memlekettik bıýdjetke 8 trln teńge kiris túsken. Respýb­lıka­lyq bıýdjet­ke túsken kiris – 5 trln 224 mlrd teńge. Jalpy kirister bo­­ıynsha jos­par 74 mlrd teńgege artyǵymen oryndalǵan.

Mınıstrliktiń málimetinshe, 2016-2020 jyldarǵa arnalǵan jekeshelendirýdiń keshendi jospary 93 paıyzǵa oryndaldy. 2020 jyly 76 nysandy jekeshelendirý josparlanǵan edi. Onyń 37-i satylymǵa shyǵaryldy. 11 aıdyń qorytyndysy boıynsha 100,9 mlrd teńgege 8 nysan satyldy. 29 nysan satylymda tur, jeteýi qaıta uıymdastyrýǵa jáne taratýǵa jiberildi. 20 nysandy jekeshelendirý merzimi 2021-2024 jyldarǵa aýystyryldy.