Baıqaý qorytyndysynda «Úzdik qar músini» atalymy boıynsha jergilikti «Vostok» saıabaǵy jeńimpaz atandy. Ujymnyń uıymshyl qyzmetkerleri kele jatqan jańa jyldyń nyshany – buqanyń músinin qardan soqqan bolatyn.
«Vostok» qalalyq saıabaǵy dırektorynyń orynbasary Amangeldi Toqyshev músindi jasaýǵa bir jarym kúndeı ýaqyt ketkenin aıtady.
– Árıne, bul ońaı bolǵan joq, degenmen biz namysty qoldan bermedik. Ujym atynan Temirtaý qalasynyń turǵyndaryn jańa jylmen quttyqtaǵym keledi, – deıdi ol.
«Qoǵamdyq kólikti bezendirý» atalymy boıynsha qaladaǵy №5 avtobýsty bezendirgen «Shańyraq» eriktiler ortalyǵynyń jastary top jardy.
Bul ıgi is-sharadan qaladaǵy jeke kásipkerler de shet qalmady. Mysaly, «Shaǵyn jáne orta bıznes nysandaryn bezendirý» atalymynda KMK Trade company JShS kózge tústi.
Budan bólek, Mittal sport kesheniniń alańynda «ArselorMıttal Temirtaý» AQ-nyń demeýshiligimen jańa jyldyq qalashyq paıda bolyp, ol jerge muz slaıdtary, muz aıdyny, shyrsha jáne kóptegen jaryqdıodty músin ornatyldy.
Úsh atalym boıynsha ótken baıqaý jeńimpazdarynyń árqaısysy 300 myń teńge aqshalaı syılyqtarmen marapattaldy.
Qaraǵandy oblysy,
Temirtaý qalasy
