Uıym Keńesi jumysyna qatysty

Qazaqstan Respýblıkasynyń Syrtqy ister mınıstri Erlan Ydyrysov Kıevte ótken Eýropadaǵy qaýipsizdik jáne yntymaqtastyq uıymyna múshe elder Syrtqy ister mınıstrleri keńesiniń (EQYU SIMK) 20-shy májilisine qatysty.

Qazaqstan Respýblıkasynyń Syrtqy ister mınıstri Erlan Ydyrysov Kıevte ótken Eýropadaǵy qaýipsizdik jáne yntymaqtastyq uıymyna múshe elder Syrtqy ister mınıstrleri keńesiniń (EQYU SIMK) 20-shy májilisine qatysty.

SIMK alańdarynda Qazaqstan syrtqy saıasat vedomstvosynyń basshysy EQYU Bas hatshy­sy Lamberto Zannermen, BUU Bas hatshysynyń orynbasary Djeffrı Feldmanmen, EQYU-nyń Ulttyq azshylyqtar isteri jó­nindegi Joǵarǵy komıs­­sar­ly­­ǵyna qaıtadan taǵaıyn­dalǵan As­trıd Torspen, Keden odaǵy­na múshe elder Syrtqy ister mı­nıstr­­­lerimen, sondaı-aq, EQYU-ǵa múshe elder Syrtqy ister mı­nıstr­leriniń birqatarymen kezdesýler ótkizdi.

EQYU SIMK-niń májilisinde sóz sóılegen E.Ydyrysov Qazaq­stannyń Uıymǵa qatysty alda­ǵy jyldarǵa baǵyttalǵan sheshý­shi qyzmetiniń baǵdarlaryn aıqyn­dap berdi. Sonymen qatar, qaty­sýshy memleketterdi EQYU-nyń Astanada ótken Sammıtinde qabyl­danǵan deklarasııanyń ere­je­lerin júzege asyrý boıynsha jumysty jalǵastyrýǵa shaqyrdy. E.Ydyrysov atap kórsetkendeı, EQYU-nyń Astanadaǵy Sammıti Uıymǵa múshe barlyq elder bir­aýyzdan qabyldaǵan sırek qu­jattardyń biri bolyp tabylady. «Astana deklarasııasynda álemdik qoǵamdastyqtyń qazirgi syn-qa­terlerge laıyqty qarsy turýyna qabiletti máseleler kórinis tapqan. Bul Eýroatlantıkalyq jáne Eýrazııalyq keńistiktegi barlyq qoǵamdastyq ókilderin eshqandaı aıyrmashylyǵyna, ereksheligine qaramastan, basyn biriktirýi tıis. Osyndaı jaǵdaıda ǵana qaýipsizdiktiń kez kelgen deńgeıine jaýap berýge múmkindik bar», dep atap kórsetti Erlan Ábilfaıyzuly.

Qazaqstandyq dıplomat Hel­sınkı qorytyndy akti­si­ne qol qoıylǵannan bergi 40 jylda atalǵan qujat óziniń kó­keı­kestiligin joǵaltpaǵanyn jáne aımaqtyq, sondaı-aq, álemdik saıasatqa óziniń oń yqpa­lyn tıgizýin jalǵastyryp otyr­ǵanyn atap ótti. «Biz «Hel­sınkı+40» úderisi birtutas jáne bólinbeıtin qaýipsizdik qoǵa­myn qurý jónindegi Astana dekla­rasııasynyń erejelerin is júzine asyrýǵa negizdelýi tıis dep esepteımiz. О́ıtkeni, onyń aıasynda túrli óńirlik uıymdar atalǵan saladaǵy problemalardy úılesimdilikpen birlese sheshe alady», dep málimdedi ol.

Qazaqstan syrtqy saıasat ve­dom­stvosynyń basshysy áskerı-saıası, ekonomıkalyq-ekologııalyq jáne gýmanıtarlyq ólshemderdegi yntymaqtastyq máselelerine egjeı-tegjeıli toqtala kelip, álemdik qoǵam­dastyqtyń Aýǵan­stanǵa ekono­mıkalyq jáne áleý­mettik ońaltý turǵysynan yqpal etý boıynsha ujymdyq kúsh-jiger jumsaý qajettigine erekshe nazar aýdardy.

E.Ydyrysov EQYU-nyń adam ólshemi salasyndaǵy jumysynyń tıimdiligin arttyrý qajettigi týraly da aıtyp ótti. Ol úshin Uıymǵa múshe barlyq elder ózderine júktelgen mindettemelerdi teń dárejede tıisti deńgeıinde oryndaýy tıis. Ol, sondaı-aq, qatysýshylardy EQYU keńis­tigindegi sozylmaly janjaldardy uzaq merzimdi perspektıvada bitistirý úshin kúsh-jiger jumsaýǵa shaqyrdy. Qazaqstandyq dıplomat atap ótkendeı, Uıymǵa kıberqaýipsizdikke, transulttyq qaterlerge, lańkestik pen esirtki saýdasyna qarsy kúreske basa nazar aýdarýdy jalǵastyrý qajet.

Qazaqstan SIM-iniń basshysy 2014 jyldyń qańtarynda tóraǵalyq merzimi aıaqtalatyn Ýkraına jaǵyna atqarǵan ju­mystary úshin rızashylyǵyn bil­dirdi. Al aldaǵy eki jylda Uıymǵa Shveısarııa men Cher­­no­gorııa tóraǵalyq etedi, son­dyqtan E.Ydyrysov atalǵan elderge de EQYU-daǵy jemisti de tıimdi jumysty jalǵastyrady degen senimin jarııa etti.

Erlan Ábilfaıyzuly Qa­zaqstannyń Ýkraınadaǵy ishki saıası jaǵdaıǵa qatysty kózqarasyn usyndy. Onyń sózine qaraǵanda, Qazaqstan qashanda ıntegrasııalyq úderisterdiń jaqtaýshysy bolyp keledi. Sonymen bir mezgilde, bizdiń elimiz qandaı damý jolyn tańdaý ár eldiń óz erkinde dep sanaıdy. Eń bastysy, eldegi úderister ulttyq múddege jaýap berýi tıis. Ol, sondaı-aq, Qazaqstan tarapy Ýkraınanyń Keden odaǵy men Eýrazııalyq ekonomıkalyq keńistik aıasyndaǵy ıntegrasııaǵa umtylysyn qýattaıtynyn atap ótti.

E.Ydyrysovtyń L.Zanner­men kezdesýi barysynda Qazaq­stan men EQYU arasyn­daǵy ynty­maq­tastyqtyń Eýro­atlan­tıkalyq jáne Eýrazııalyq qaýipsizdik tujyrymdamasyn qosa alǵanda, negizgi baǵyttary talqylandy. Bul qatarda transulttyq qater­lerge qarsy birlesip is-qı­myl tanytý, Aýǵanstandaǵy jaǵ­daı­dy retteý máseleleri de qam­tyldy. L.Zannerdiń 2012 jy­ly jarııalaǵan EQYU qaýip­siz­digi kúnderin ótkizý týraly bastamasynyń kókeıkestiligi atap kórsetildi. Qazaqstan syrt­qy saıasat vedomstvosy basshy­synyń pikirinshe, kezdesý Uıymnyń áskerı-saıası kún tártibiniń kó­keıkesti máseleleri boıyn­sha pikir almasýdyń jaqsy tuǵyr­namasy bolyp tabyldy.

E.Ydyrysovtyń Dj.Feld­manmen kezdesýi kezinde Almatyda BUU-nyń óńirlik «habyn» qurý, BUU damý baǵdarlamalarynyń qyzmeti, sondaı-aq, óńir elderine gýmanıtarlyq yqpal etýdiń tetikteri máseleleri talqylandy. Al A.Torspen kezdesý barysynda Qazaqstannyń atalǵan ıns­tıtýtpen yntymaqtastyq máseleleri sóz boldy. Qazaqstan SIM-iniń basshysy Qazaqstandaǵy toleranttylyq modelin qoldaýdyń jáne damytýdyń mańyzy zor ekenin atap ótip, bizdiń elimizdiń tarıhı tájirıbesi álemniń basqa elderi úshin paıdaly bolar edi degen ustanymyn jetkizdi. E.Ydyrysov A.Torsty Qazaqstan Prezıdentiniń EQYU-nyń: «Jańa on jyldyqtaǵy toleranttylyqqa» qujatyn jasaý boıynsha bastamasyn odan ári damytýǵa qoldaý kórsetýge shaqyrdy jáne Joǵarǵy komıssarǵa 2014 jyly saparmen Qazaqstanǵa kelip ketýge usynys jasady.

E.Ydyrysovtyń Eýropalyq Odaq, AQSh, Shveısarııa, Fın­lıandııa, Horvatııa, Ispanııa, Nor­vegııa, Latvııa jáne basqa da memleketterdiń ókilderin qosa alǵanda, shetel delegasııalarynyń basshylarymen kezdesýi aıasynda elimizdiń «Qazaqstan-2050» Stra­te­gııasy sheńberindegi negizgi damý basym­dyqtaryn, shetelder bıznesi men memlekettik qurylymdarynyń Astanada ótetin EKSPO-2017 maman­dandyrylǵan kórmesine qatysýy, Qazaqstannyń 2017-2018 jyldary BUU Qaýip­sizdik Keńesiniń turaqty emes músheligine kandıdatýrasyn qoldaý, ınvestısııalar men jańa tehnologııalar tartý múmkindikteri, sonymen qatar, Qazaqstan azamattary úshin vızalyq rejimdi ońtaılandyrý máseleleri talqylandy.

Sáýlebek BIRJAN.