Aıdyndy Zaısan kóliniń jaǵasynda qonys tepken balyqshylar aýyly Tuǵyl sońǵy bir-eki jylda kórkeıe túsipti. Aýyldyń ósip-órkendeýine erekshe úles qosqan ultjandy azamat, burynǵy ákim Tursynbek Zákarııanovtyń ornyna kásipkerlikpen shuǵyldanǵan Qaıyrbek Mambolov degen isker azamat kelipti. Qazir munda úsh orta mektep, balabaqsha, eki balyq zaýyty, birneshe mekemeler jumys istep tur.
Aıdyndy Zaısan kóliniń jaǵasynda qonys tepken balyqshylar aýyly Tuǵyl sońǵy bir-eki jylda kórkeıe túsipti. Aýyldyń ósip-órkendeýine erekshe úles qosqan ultjandy azamat, burynǵy ákim Tursynbek Zákarııanovtyń ornyna kásipkerlikpen shuǵyldanǵan Qaıyrbek Mambolov degen isker azamat kelipti. Qazir munda úsh orta mektep, balabaqsha, eki balyq zaýyty, birneshe mekemeler jumys istep tur.
– «Biter istiń basyna, jaqsy keler qasyna» demekshi, búgin bizde úlken jańalyq. Oblysta birinshi bolyp «Altyn balyq» qýyrshaq teatry balalarǵa arnap «Qoıan men masa» ertegisi boıynsha qoıylymdy jurt talqysyna usynbaq. Ertegini oılap tapqan jerlesimiz, talantty rejısser ári kostıýmer Nurjan, al qýyrshaqtardy tigip, sahnaǵa qoıatyn jubaıy Galına Dúngenenova. Birge tamashalaıyq, – dep aýyl ákimi Nurjan inimiz eleń etkizdi.
Shynynda da, qýyrshaq teatry shalǵaıdaǵy aýyldy bylaı qoıyp, oblys ortalyǵy О́skemende joq. Tarbaǵataı aýdanynyń Tuǵyl kenti jaqsy bastamany qolǵa alǵan eken. Talapty jastarmen spektakl bastalǵanǵa deıin áńgimelesip úlgerdik.
– Zaıybym Galınamen Kókshetaýda tanystym. Ol qazaqtyń ádet-ǵurpyn, tilin menen jetik meńgergen. Júregimiz jarasyp, úılendik. Galına qýyrshaq teatrynda alty jyl qyzmet etken. Men de ónerge jaqynmyn. О́tken jyly kindik qanym tamǵan aýylyma oraldym. Tuǵyldaǵy kúrdeli jóndeýden ótken Mádenıet úıine aýdan ákimi Dildábek Orazbaev 1 mıllıon teńgege qajetti qural-jabdyqtardy satyp áperipti. Amanshylyq bolsa, sol kisiniń qoldaýymen Táýelsizdik kúni qýyrshaq teatrynyń ónerin Aqjar men aýdan ortalyǵy Aqsýat aýyldary turǵyndarynyń nazaryna usynbaqpyz. Al osy aptanyń senbisinde «Saıqymazaqtar» spektaklin qoıamyz, – dep Nurjan sahnaǵa júgirip shyqty.
Mine, qyzyq. Sahna tóri ańdar men qustar, shyrsha men samyrsyn, san alýan gúlderge toly. Mádenıet úıine jınalǵan 500-ge tarta kórermenniń kózi sahnada. Shynynda da, qýyrshaq teatrynyń ónerin tek teleekrannan ǵana kórip júrgen balalardyń qyzyǵýshylyǵyn túsinýge bolady. Nurjan qasqyr men aıýdy, Galına tyshqandy, 8-shi synyptyń oqýshylary Arýjan Orazova men Gúlim Qabylqaqova túlki, masa, qoıandy sheber oryndap shyqty.
Qoıylym aıaqtalǵannan keıin aýyl ákimi Qaıyrbek Mambolov, aqsaqaldar ónerpazdarǵa rızashylyq bildirip, sáttilik tiledi. Qýyrshaq teatrynyń alǵashqy qadamy qýantady. Dúngenenovtar otbasyna aýyl turǵyndarynyń yqylasy erekshe bolatyny túsinikti shyǵar.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.
