Bekitilgen josparǵa sáıkes merekelik is-shara mekeme bastyǵy ádilet podpolkovnıgi Dastan Ábdirahmannyń sottalǵandardy quttyqtaý sózimen ashyldy. Merekelik is-sharaǵa sottalǵandar bir aı buryn daıyndalyp, erekshe atap ótti. Kórermender zaly Jańa jyldyq shyrshamen jáne qabyrǵa gazetterimen bezendirilip, merekelik keshtiń sáni aıaz ata men aqshaqar qonaqtardy kele jatqan jańa jyl merekesimen quttyqtady, jańa jyldyq ánder men kórinister qoıǵan sottalǵandarǵa jańa jyldyq syılyqtar tabystady.
Jańa jyldyq merekege mekemede jazasyn ótep jatqan on eki arý men segiz er adam qatysyp, is-sharanyń qyzyqty jáne kórermenderdiń kóńilin shyǵatyndaı etip ótýine belsene at salysty. Uıymdastyrylǵan is-sharanyń sońynda merekelik baǵdarlamany joǵary deńgeıde uıymdastyrǵan jáne oǵan belsene qatysqan sottalǵandar mekeme ákimshiligi atynan alǵystarǵa ıe bolyp, qundy syılyqtarmen marapattaldy.
Shara osymen aıaqtalmaı, onyń arty kishi fýtbol, shashka, shahmat jáne basqa da sporttyq oıyndar uıymdastyrýmen jalǵasyn tapty.
«Jalpy, mereke qarsańynda mekemede uıymdastyrylatyn is-sharalar mekeme bastyǵymen bekitilgen josparǵa sáıkes ótedi. Jańa jylǵa arnalǵan búgingi koserttik is-shara osymen aıaqtalmaıdy, aldaǵy jylǵy qańtardyń tórtine deıin ártúrli sport túrlerinen saıystar ótkizý arqyly jalǵasady» - deıdi, sottalǵandar arasyndaǵy tárbıe jáne áleýmettik-psıhologııalyq jumys bóliminiń bastyǵy ádilet maıory Rýslan Býralkıev.
