Qazaqstan Prezıdenti koronavırýs pandemııasyna qaramastan eki el arasyndaǵy yntymaqtastyq tabysty damyp kele jatqanyn atap ótti. Byltyr ózara saýda kólemi 2,6 mıllıard dollardy quraǵan. Memleket basshysy saýda-sattyqty arttyrýǵa jáne ınvestısııalyq yntymaqtastyqty jandandyrýǵa kúsh salýdy usyndy. Túrkııa Prezıdenti mundaı usynysty qabyl alyp, sonyń nátıjesinde birlese otyryp saýda kólemin úsh esege ulǵaıtýǵa bolatynyn aıtty.
Qasym-Jomart Toqaev keıingi jyldary Túrkııanyń halyqaralyq arenada yqpaly artqanyn, oǵan Taýly Qarabaqtaǵy qaqtyǵysty toqtatýǵa qatysqany da kýá bolatynyn atap ótti. Rejep Taııp Erdoǵan kóp jyldyq qaqtyǵysqa Túrkııanyń aralasýyna qatysty berilgen baǵaǵa rızashylyǵyn bildirdi.
Túrkııa Prezıdenti koronovırýs pandemııasyna qarsy eki eldiń is-qımylyn joǵary baǵalap, Qazaqstan basshylyǵynyń batyl áreketiniń arqasynda memlekettegi epıdemıologııalyq jaǵdaı baqylaýǵa alynǵanyn jetkizdi.
Rejep Taııp Erdoǵan bıyl qańtardyń 10-y kún ótetin Parlament saılaýyna sáttilik tilep, daýys berý barysyn Túrkııanyń ókilderi baqylaıtynyn aıtty.
Áńgimelesý sońynda taraptar osy jyly Túrkııa Prezıdentiniń Qazaqstanǵa saparyn uıymdastyrý múmkindigin qarastyrýǵa ýaǵdalasty.
