* Prezıdent tapsyrmasy qalaı oryndalýda?
О́tken senbide Premer-Mınıstr Serik Ahmetovtiń tóraǵalyǵymen ótken keńeste Memleket basshysynyń 2013 jyldyń 11 qazany kúni ótken keńeıtilgen Úkimet otyrysynda bergen tapsyrmalaryn júzege asyrý máseleleri talqylandy.
* Prezıdent tapsyrmasy qalaı oryndalýda?
О́tken senbide Premer-Mınıstr Serik Ahmetovtiń tóraǵalyǵymen ótken keńeste Memleket basshysynyń 2013 jyldyń 11 qazany kúni ótken keńeıtilgen Úkimet otyrysynda bergen tapsyrmalaryn júzege asyrý máseleleri talqylandy.
Keńes barysynda Kóleńkeli ekonomıkamen kúrestiń keshendi josparyn oryndaýǵa, alkogoldik ónimder aınalymyna baqylaýdy kúsheıtý jónindegi sharalarǵa zań negizinde qoldaý kórsetýge erekshe nazar aýdaryldy.
Sonymen qatar, Turǵyn úı-kommýnaldyq sharýashylyqty jańǵyrtýdyń 2010-2029 jyldarǵa arnalǵan baǵdarlamasynyń tıimdiligin arttyrý máselesi de qaraldy. Atalǵan máselege baılanysty Úkimet basshysy sóz bolyp otyrǵan baǵdarlamaǵa halyqtyń qatysýyn jeńildetetin sharalardy engizýdiń, muny tipti zań deńgeıinde sheshýdiń qajettigin atap kórsetti.
«Bul – sheshimin kútip otyrǵan basty máselelerdiń biri. TKSh-ni jańǵyrtý baǵytynda shynaıy reformalar júrgizý memlekettiń jáne halyqtyń qatysýynsyz múmkin emes. Bul iste bizge ony júzege asyrýdyń tıimdi tetikteri qajet», dedi S.Ahmetov.
Keńeste memlekettik organdar basshylarynyń arnaıy ekonomıkalyq aımaqtar qyzmetiniń tıimdiligin arttyrý, damý ınstıtýttarynyń, zeınetaqy qorlarynyń, qarjy uıymdarynyń qarjylaryn memlekettik jekemenshik áriptestigi jobalaryna tartý máselelerine qatysty esepteri tyńdaldy.
Keńes barysynda Úkimet basshysy ultústilik jáne halyqaralyq uıymdarǵa jumys isteý úshin kadrlar irikteý isin neǵurlym sapaly júrgizý qajettigine nazar aýdartty. Bul iste reseılik jáne belarýstik áriptesterdiń neǵurlym jemisti tájirıbege qol jetkizgendigin atap kórsete otyryp, Keden odaǵy, Birtutas ekonomıkalyq keńistik, Búkilálemdik saýda uıymy aıasyndaǵy jumystarǵa qatysty ıntegrasııalyq máselelermen aınalysatyn memlekettik organdardy ınstıtýsıonaldyq kúsheıtýdiń naqty tetikterin ázirleý jóninde tapsyrma berdi.
Keńeste «Bıznestiń jol kartasy-2020» baǵdarlamasy jobalaryn júzege asyrý jónindegi tapsyrmanyń oryndalý barysy týraly da esepter tyńdaldy.
Keńesti qorytyndylaı kele, Úkimet basshysy jekelegen memlekettik organdar basshylarynyń tapsyrmalardyń jekelegen baǵyttaryn júıeli oryndaý jóninde eleýli jumystar júrgizgenin de atap kórsete ketti. Sonymen qatar, birqatar baǵyttar boıynsha is-áreketterdi odan ári kúsheıte túsý qajet bolyp otyr. Túptep kelgende, memlekettik organdar basshylary Elbasynyń Úkimettiń keńeıtilgen otyrysynda bergen tapsyrmalaryn oryndaý isine barynsha jumylyp, osy tapsyrmalarǵa sáıkes barlyq máselelerdi jiti baqylaýda ustap otyrýǵa mindetti. «Elbasynyń tapsyrmalary tolyqtaı jáne naqty oryndalýy tıis», degen sózdi Úkimet basshysy erekshe ekpin túsirip aıtty.
Suńǵat ÁLIPBAI,
«Egemen Qazaqstan».
