Oblystyq memlekettik eńbek ınspeksııasy basqarmasy mamandarynyń aıtýynsha, jumysshylardyń eńbekaqysyn ýaqytyly tólemeý – áleýmettik jaǵdaıyna áser etetin faktor. Eńbekaqyny keshiktirý men tólemeý jaǵdaıyna jol bermeý úshin tıisti organdarmen birge júıeli monıtorıng júrgizip, birlesken sharalar qolǵa alyndy.
«Byltyr birlese atqarylǵan osyndas sharalardyń nátıjesinde 11 mekemedegi 1018 jumysshynyń eńbek quqyǵy qorǵalyp, 263,8 mln teńge jalaqysy tolyǵymen óndirildi. QR Eńbek kodeksiniń talaptaryn saqtamaı, eńbekaqyny merziminen keshiktirgeni, tolyq tólem júrgizbegeni úshin mekeme basshylaryna zań buzýshylyqty joıý týraly 20 nusqama berildi. Mekemelerge qatysty 58 ákimshilik hattama toltyrylyp, 11,3 mln teńge aıyppul salyndy. Aıyppul tolyǵymen óndirildi», dep habarlady atalǵan basqarmadan.
