«Bıyl qasterli Táýelsizdigimizge 30 jyl tolady. Bul – qaıta jańǵyrǵan qazaq memlekettiginiń, ata-babalarymyz ańsaǵan azattyqtyń tuǵyry nyǵaıa túskenin áıgileıtin mańyzdy beles. Tarıh turǵysynan alǵanda, otyz jyl – kózdi ashyp jumǵandaı qas-qaǵym sát. Degenmen, bul kóptegen halyqtar úshin qıyndyǵy men qýanyshy, daǵdarysy men damýy almasqan tutas dáýir deýge bolady. Biz de osyndaı joldan ótip kelemiz», - delingen Prezıdent maqalasynda.
Osy oraıda Memleket basshysy Táýelsizdigimizdiń aıshyqty belesi jetistikterimiz ben kemshilikterimizdi oı eleginen ótkizetin mańyzdy mezet ekenin atap ótti.
«Azattyǵymyzdyń aıshyqty belesine shyqqanda árbir sanaly azamatty «Otyz jylda biz qandaı jetistikterge jettik?», «Keler urpaqqa qandaı eldi amanattaımyz?», «Memlekettigimizdi nyǵaıta túsý úshin taǵy ne isteımiz?» degen saýaldar tolǵandyrary anyq. Osy turǵydan alǵanda, bul – arman-maqsattarymyzdy toǵystyryp, bolashaqqa tyń serpinmen qadam basý úshin ótkenge taǵy bir márte oralatyn, jetistikterimiz ben kemshilikterimizdi oı eleginen ótkizetin mańyzdy mezet», - delingen maqalada.
