Ekologııa erteńdi kútpeıdi

Jaqynda teledıdardan Jam­byl oblysynyń Talas, Oıyq
aýyldaryn jáne Moıynqumdaǵy jaılaýdy qalaı qum basqan­dy­ǵyn kórsetti. Sońǵy kezderi Ja­ıyq­tyń tartylýy, Jem óze­ni­niń múlde joǵala bastaýy barsha­myz­dy alańdatady. Osyǵan oraı Pre­zıdent joldaýynda mynadaı is-sharalar kórsetilipti. «Úki­metke eko­logııalyq ahýaldy jaq­sartý jónindegi sharalardy naq­ty júzege asyrýǵa kirisýdi tap­sy­ramyn. Bıologııalyq árkel­ki­likti saqtaý jáne tıimdi paıda­laný jónindegi uzaq merzimdi jos­­­parlardy bekitken jón.

Bes jyl ishinde orman alqa­bynda 2 mıllıard, eldi mekenderde 15 mıllıon aǵash otyr­ǵyzylatyn bolady. Bul elimiz­degi kógaldandyrý aýqymyn ke­ńeı­týge septigin tıgizedi».

Aǵashtar otyrǵyzyp, orman al­qabyn keńeıtý óte qajet ári uzaq merzimdi jospardy kút­peı, shuǵyl qolǵa alynýy kerek. Máselen aýyl men aýyl ara­syndaǵy jol boıyna aǵash egip, «Jasyl kópir» is-sharasyn qol­ǵa alý óte mańyzdy. Astana tóńi­regindegi jasyl alqapty ár aýyldan, aýdan ortalyǵynan kórgimiz keledi. Bizdegi áli kúnge deıin oqytý salasynda ekologııalyq bilim men tárbıe pármendi túrde júzege aspaı keledi. Prezıdent muny da anyqtap kórsetip aıt­qan. Mektepter men joǵary oqý oryndarynda óskeleń urpaq­qa ekologııalyq tárbıe berý isi­ne jetkilikti nazar aýdarý qajet. Qoǵamda ekologııalyq qun­dy­lyq­tardy ornyqtyrýǵa úndeıtin Birge – taza Qazagstan ekolo­gııalyq aksııasyn júıeli túrde ótki­zip turǵan jón.

Jaqynda ǵana Aqtóbedegi kó­milip qalǵan bulaqtardy ashyp, ar­nasy tarylǵan ózendi qalpyna kel­tirý jumystaryn kórip rıza bol­dyq. Mundaı sharalar Naýryz merekesin, kóktemdi kútpeı jyl­dyń qolaıly mezgilderinde dás­túrli halyqtyq qozǵalysqa aı­nalýy qajet.

Týǵan eldiń tabıǵaty – eldiń bereke birliginiń, yntymaǵynyń jarqyn kórinisi. Ony tozdyrmaı urpaqtan urpaqqa qaldyrý babalar amanaty. Barsha qazaq­standyqtardyń birinshi kezektegi asyl paryzy.

Ánýar TARAQOV,

Ál-Farabı atyndaǵy QazUÝ-dyń fılologııa jáne álem tilderi fakýltetiniń professory

ALMATY