Biz etiginiń qonyshyna gazet-jýrnal qystyryp, keń dalada mal qaıyrǵan qoıshyny kórgen urpaqpyz. Qaınaǵan
tirshiliktiń arasynda júrse de, merzimdi basylymdardy jibermeı oqıtyn aǵalardyń tárbıesin alǵan adamdarmyz. Sondyqtan bala kúnimizden kitappen qatar ár basylymnyń bir nómirin jibermeı oqýǵa daǵdylanǵanbyz. Onyń ústine bizdiń ákeı Aldabergen Bısenov talaı jyl el basqarǵan kisi edi. Sosıalıstik Eńbek Eri bolatyn. Al úıimizge sol kezde elimiz boıynsha shyǵatyn barlyq basylym keletin. Ákemiz sonyń ishinde «Sosıalıstik Qazaqstan» gazetin óte úlken yqylaspen oqıtyn. Búgingi «Egemen Qazaqstan» gazeti bizdiń bala kezimizden bergi ajyramas serigimiz desek, aqıqattan alys ketpegenimiz.
Biz etiginiń qonyshyna gazet-jýrnal qystyryp, keń dalada mal qaıyrǵan qoıshyny kórgen urpaqpyz. Qaınaǵan tirshiliktiń arasynda júrse de, merzimdi basylymdardy jibermeı oqıtyn aǵalardyń tárbıesin alǵan adamdarmyz. Sondyqtan bala kúnimizden kitappen qatar ár basylymnyń bir nómirin jibermeı oqýǵa daǵdylanǵanbyz. Onyń ústine bizdiń ákeı Aldabergen Bısenov talaı jyl el basqarǵan kisi edi. Sosıalıstik Eńbek Eri bolatyn. Al úıimizge sol kezde elimiz boıynsha shyǵatyn barlyq basylym keletin. Ákemiz sonyń ishinde «Sosıalıstik Qazaqstan» gazetin óte úlken yqylaspen oqıtyn. Búgingi «Egemen Qazaqstan» gazeti bizdiń bala kezimizden bergi ajyramas serigimiz desek, aqıqattan alys ketpegenimiz.
Búginde aqparattyq tehnologııa damydy. Barlyq kerek dúnıeni aldyńda turǵan kompıýterden tabýǵa bolady. Onyń ústine ınternet ıgiligimizge aınalǵannan beri, túrli aqparattyq saıttar ashyldy. Budan bólek, dástúrli basylymdardyń da saıttyq nusqalary ómirge kelip jatyr. Degenmen, bala kezden qorǵasynǵa quıylyp, qaǵazǵa taspalanǵan gazetti oqyp úırengen bizder úshin basylymdy paraqtap otyryp qaraǵannan artyq raqat dúnıe joq. Sol sebepti ınternet nusqasy kóz aldymyzda tursa da, «Egemen Qazaqstan» gazetin únemi jazyrtyp alamyz.
Men «Egemenge» ne úshin jazylamyn? Birinshiden, ol – elimizdiń bas gazeti. Memlekettiń baǵyt-baǵdarynan aıqyn aqparat berip, Elbasynyń syndarly saıasatyn elge jetkizip otyrǵan biregeı basylym. Ekinshiden, eshqashan jalań uranǵa urynbaıtyn, tek naqty derekterdi taratatyn shynshyl maqalalardy basady. Bul – oqyrmandy adastyrmaıdy, jalǵan jolǵa siltemeıdi degen sóz. Al halyq úshin eń bastysy da osy. Úshinshiden, Alash arystary haqynda, elimizge eleýli eńbek etken adamdar týraly, taý tulǵaly azamattar jaıynda tushymdy estelikter men esseler berip, álemdegi aıshyqty oqıǵalar men tarıhı oryndar týrasynda keń kólemde derekti dúnıeler jarııalap otyrady. Tórtinshiden, elimizde qabyldanyp jatqan zańdar men qaýly-qarardyń barlyǵy osy basylymǵa shyǵady. Bile-bilgen adam úshin bul da mańyzdy jaıt. Sebebi, zańnyń barlyǵy qoǵamnyń damýy úshin qabyldanady. Al qoǵam adamnan turady. Osy rette Qazaqstannyń árbir turǵyny ózine qatysty zańdarmen «Egemen» arqyly tanysa alady desek, jalǵan bolmas.
Jalpy, «Egemen Qazaqstan» gazetin únemi oqyp júrgen adam zamannyń únin sezip otyrady. Ult zııalylarynyń ózi «Zamanmen úndes zańǵar basylym» dep baǵa bergende osyny meńzese kerek. Ásirese, aıdyń sońynda shyǵatyn «Etjeńdi «Egemendi» oqyǵanda erekshe baraqat kúı keshemiz. О́ıtkeni, onda zor rýhanı baılyq bar.
Qylyshbaı BISENOV,
Qorqyt ata atyndaǵy Qyzylorda memlekettik ýnıversıtetiniń rektory.
