Ońtústik Qazaqstan oblysynda polısııa qyzmetkeri mal urlyǵymen aınalysqan topqa qoldaý kórsetken. Bul týraly «Astana» telearnasy habarlady.
Mal urlaýshylarǵa qoldaý bildirgen tártip saqshysy Eńbekshi aýdandyq ishki ister bóliminde qyzmet istegen. Aǵa leıtenant shenindegi bul azamat óziniń sybaılastaryna jol boıyndaǵy beketterden maldy kedergisiz alyp ótýine yqpal jasapty. Ońaı oljaǵa kenelgenderdiń osy áreketi jarty jyldan keıin ǵana áshkere boldy. Olar bir ǵana Ordabasy aýdanynyń 60-tan astam jylqysyn qoldy qylǵan. Al aýyl turǵyndaryna 3 aıda kelgen jalpy shyǵyn 15 mln. teńgeni quraıdy.
Uıymdasqan top maldardy «Kamaz» kóligine tıep, Túrkistan qalasynyń turǵyndaryna saýdalaǵan. Alaıda, mal urlaýshy – burynǵy polısııa qyzmetkeri men onyń sybaılasyna izdeý jarııalandy. «Ishki ister bóliminiń qyzmetkeri qyzmet babyn asyra paıdalanyp, mal urlaǵandarǵa kómek kórsetken. Osyǵan baılanysty ony ishki ister bóliminen bosatý týraly sheshim qabyldandy»,-deıdi oblystyq ishki ister departamenti memlekettik til jáne aqparat basqarmasynyń bastyǵy Saltanat Qarakózova.
Baqytbek Keneshuly.
Derekkóz: «Astana» telearnasy
