Elimizdiń bilim salsyna bólingen qomaqty qarajattyń qaıtarymy kóńil kónshitpeıdi. Májilistegi parlament saǵatynda Darıǵa Nazarbaeva osy ashy shyndyqty jurtshylyqqa aıtyp berdi. Bul týraly Kapital.kz habarlady.
«Bilim mınıstrliginiń taǵdyry ońaı bolǵan joq. 2000 jyldan beri salada 7 basshy aýysty. Olardyń árbiri óziniń jumysyn kezekti iri kólemdi reformadan bastap otyrdy. Biraq solardyń birde-biri aqyryna deıin jetkizilgen joq. Atalmysh salaǵa bólinip kelgen orasan zor qarjylardyń nátıjeleri jutań ǵana. Qazir jurttyń kóbi: «Bilim salasyna tynyshtyq berińizdershi, ondaǵy reformalardan júrek aınıdy» degisi keledi», – dedi sóz oraıynda depýtat D.Nazarbaeva.
Bilim baǵdarlamalarynyń tıimdiligi de shamaly bolyp tur. Osyny syn tezine alǵan depýtat bylaı dedi: «Biz bilikti kadrlardyń tapshy, oqýlyqtar sapasynyń nashar, oqý baǵdarlamalarynyń tıimsiz ekenin kórip otyrmyz. Barlyq materıaldyq bazalary kemshin mektepterdegi mindetti pánderdiń sany jaǵynan biz chempıonbyz. Qazir olardyń sany 17 bolsa, damyǵan elderde 6-dan aspaıdy. Bul bilim berýdiń sapasy jańaǵydaı bolyp turǵan bizdiń Eýropadaǵy damyǵan elderge qaraǵanda, oǵan shyǵyndy anaǵurlym kóp jumsaıtynymyzdy bildiredi».
Danııar Túımebaı.
Derekkóz: Kapital.kz.
