Sırııa áskeri júrgizip jatqan antıterrorıstik is-shara barysynda Nabak qalasynda 200-den asa sodyrdyń kózi joıyldy. Bul týraly ITAR-TASS habarlady.
«Al-Maıadın» telearnasynyń aqpary boıynsha, Nabak qalasy sodyrlardan tolyq tazartylǵan. Mundaǵy shańyraqtaryn tastap ketýge májbúr bolǵan qala turǵyndary endi jaqyn arada óz úılerine oralatyn bolady.
Áskerıler qalanyń batys bóliginde qarý-jaraqtar men jasyryn aýrýhanasy bar iri qoıma tapty. Qalada sondaı-aq tórt mınalanǵan avtokólik tabylǵan. «Al-Kaıda» uıymymen baılanystary bar ekstremıster kórshiles Lıvan memleketinde terakt uıymdastyrý úshin mınalanǵan avtokólikterdi shekaradaǵy Ersal qalasy arqyly ótkizbek bolǵan kórinedi.
Aleppo qalasynda Sırııa áskeri «Islam maıdany» men «Djebhat an-Nýsra» sodyrlarynyń birlesken shabýyldaryna toıtarys berdi. Qaqtyǵys nátıjesinde 70-ten asa sodyr qaza tapqan.
Sırııa men Irak shekarasynda ekstremısterdiń qarý men basqa da kerek jaraqtaryn tasymaldaý úshin qoldanǵan jer asty joldary tabyldy. Sırııanyń Abý-Kemal qalasynan Iraktyń El-Kaım qalasyna deıin sozylǵan jer asty joldarynyń uzyndyǵy 300 metrdi quraıdy.
Aıdar О́risbaev.
Derekkóz: Itar-tass.com
