Argentınada oryn alǵan jappaı tártipsizdikterdiń nátıjesinde bes adam qaza tapty. Bul týraly Newsru.com habarlady.
Argentınada polısııa qyzmetkerleri jalaqy mólsherleriniń kóbeıtilýin talap etip, ereýilge shyqqan bolatyn. Muny paıdalanǵan halyq dúken men basqa da saýda oryndaryn buzyp kirip, olardy tonaı bastaǵan. Mundaı tártipsizdikter Argentınanyń 19 provınsııasynda bolyp jatyr. Qazir bul derekterdi aıǵaqtaıtyn beınematerıaldar ınternet betinde qaptap júr. Onda zań aldynda jaýapqa tartylmaıtyndaryna sengen adamdardyń dúken terezelerin shaǵyp, kerek-jaraqtaryn arbamen súıretip shyǵyp jatqandary beınelengen.
Prokýratýra qyzmetkerleri tonaýshylarǵa qarsy qylmystyq is qozǵaıtyndaryn eskertti. Al jergilikti bılik eldegi oryn alǵan jaǵdaıǵa polısııa qyzmetkerlerin kinálaýda. Mundaǵy tártipsizdikter bir apta buryn Kordova provınsııasynda bastaý alǵan. Jergilikti tártip saqshylary jalaqy mólsheriniń kóbeıtilýin talap etip, ereýilge shyqqan. Quqyq qorǵaýshylardyń bul áreketin óz paıdasyna asyra bilgen ondaǵan adam saýda oryndaryn tonaı bastaǵan.
Aıdar О́risbaev.
Derekkóz: Newsru.com
