Qazaqstan men Túrkııa qorǵanys mınıstrleri «Qazaqstan ASELSAN ınjınırıng»
jańa kásipornyn iske qosty
Keshe Astanada Qazaqstan Respýblıkasynyń Qorǵanys mınıstri Ádilbek Jaqsybekov pen Túrik Respýblıkasynyń Ulttyq qorǵanys mınıstri Ismet Iylmaz elektrondy-optıkalyq qurylǵylar óndiretin «Qazaqstan ASELSAN ınjınırıng» qazaq-túrik birlesken kásipornyn ashty. Bul birlesken kásiporyn Qazaqstan men Túrkııa memleket basshylarynyń ýaǵdalastyǵyna sáıkes qurylyp otyr.
Qazaqstan men Túrkııa qorǵanys mınıstrleri «Qazaqstan ASELSAN ınjınırıng»
jańa kásipornyn iske qosty
Keshe Astanada Qazaqstan Respýblıkasynyń Qorǵanys mınıstri Ádilbek Jaqsybekov pen Túrik Respýblıkasynyń Ulttyq qorǵanys mınıstri Ismet Iylmaz elektrondy-optıkalyq qurylǵylar óndiretin «Qazaqstan ASELSAN ınjınırıng» qazaq-túrik birlesken kásipornyn ashty. Bul birlesken kásiporyn Qazaqstan men Túrkııa memleket basshylarynyń ýaǵdalastyǵyna sáıkes qurylyp otyr.
Qorǵanys vedomstvolarynyń basshylary bolashaq óndiris korpýstarynyń ornalasý ornyn qarap, atalǵan kásiporynda shyǵarylatyn ónimderdiń úlgilerimen tanysty.
Ádilbek Jaqsybekov Astanada joǵary tehnologııalyq qorǵanys ónerkásibi kesheniniń ashylýynyń mańyzyn aıryqsha atap ótti. Birlesken jobadaǵy Qazaqstannyń alǵashqy kezdegi úlesi 20 paıyzdy quraıdy, taıaýdaǵy 5 jyldyń ishinde ol 67 paıyzǵa deıin artatyn bolady.
«Qazaqstan ınjınırıng» ulttyq kompanııasy» AQ basqarma tóraǵasy Bolat Smaǵulov qorǵanys vedomstvolarynyń basshylaryn jańa kásiporyn óndiretin ónimder tizimimen tanystyrdy. Bul jerde ónimderge tehnıkalyq qyzmet, sondaı-aq, personaldy oqytý júzege asatyn bolady.
Zaýyt sýasty kemelerinen bastap ǵarysh kemelerine deıingi aralyqta ártúrli tehnıkada qoldanatyn elektrondy plattardyń keń spektrin shyǵarý múmkindigine ıe.
Zaýytty damytýdyń kelesi kezeńi derbes ınfraqyzyl lınzalar shyǵarý óndirisin uıymdastyrýdy, jańa tehnologııalardy qoldaný arqyly ónim óndirýdi qamtıdy.
Bul TMD-da osyndaı sapadaǵy ónim óndiretin birinshi kásiporyn ekenin atap ótken oryndy.
Suńǵat ÁLIPBAI,
«Egemen Qazaqstan».
