Ǵylymǵa bet burǵan oqýshynyń ǵylymı jetekshisi Sandýǵash Qabazovanyń aıtýynsha, atalǵan baıqaýǵa buryn zerttelmegen, biraq kópten oıda júrgen taqyryp usynylypty. Al Aınur Muratova ǵylymı jobasynda tabıǵı shıkizattan qolmen alýǵa bolatyn ındıkatorlardy (tabıǵı boıaýlardy) tájirıbe júzinde dáleldep kórsetti. Sóıtip, tabıǵı ósimdikterderdiń quramy qorshaǵan ortanyń áserine baılanysty túsin jıi ózgergetinin anyqtady.
– Ustazymmen birge daıyndaǵan jobany tek hımııa sabaǵynda zertteý túrinde ǵana emes, turmysta da qoldanýǵa bolady. О́ıtkeni kúndelikti ydys jýýǵa paıdalanyp júrgen «Mıf», «Fairy», «AOS» sekildi suıyqtar men hosh ıisti sabyndardyń bári hımııalyq árekettesý arqyly alynady. Hımııa termınimen aıtqanda, siltilik jáne álsiz siltilik ortada daıyndalady. Sondyqtan tabıǵı ósimdikterden boıaý alý taqyrybyn keńirek zertteı beremin, deıdi Aınur Muratova.
Oqýshynyń aıtýyna qaraǵanda, tabıǵı ósimdikterdiń quramy, odan tabıǵı boıaý alý tásilderi mektep baǵdarlamasynyń 5,6-synyptardaǵy Jaratylystaný men 7-synyptyń Hımııa oqýlyǵyna engizilýi kerek. Sonda oqýshylardyń ǵylymǵa yntasy arta túser edi.
Atyraý oblysy
