Keshe Semeı qalasynda júrgen úmitkerler Dáýlet Muqaev, Ardaq Nazarov, Oljas Ordabaevtar qoǵam qaıratkeri, jýrnalıst, etnograf, Alash partııasy jetekshileriniń biri Álıhan Bókeıhannyń eskertkishine gúl shoqtaryn qoıdy.
«Bul – óz eliniń Táýelsizdigi úshin kúresken qazaq halqynyń kórnekti ulyna degen qurmettiń belgisi», deıdi úmitkerler. Kandıdattar gúl qoıý rásimi kezinde Álıhan Bókeıhannyń shynaıy patrıotızmniń jáne Otanǵa qyzmet etýdiń úlgisi ekenin atap ótti.
Sonymen birge Shyǵys Qazaqstan oblysynyń «Prırechnoe» aýylynda úmitker Almasbek Sadyrbaev «Agrofırma «Prırechnoe» JShS qyzmetkerlerimen kezdesý ótkizdi. Ol partııanyń saılaýaldy baǵdarlamasynyń basym baǵyttary týraly egjeı-tegjeıli aıtyp berdi jáne kásiporyn qyzmetkerleriniń usynystaryn tyńdady.
Kezdesýge qatysýshylardy kásipkerlik pen aýyl sharýashylyǵyn qoldaýǵa baǵyttalǵan baǵdarlamanyń mindetteri qyzyqtyrdy. Kásiporyn qyzmetkerleri bıznestiń damýyn jeńildetetin jańa jaǵdaılar jasaýdy usyndy.
Spıker atap ótkendeı, partııa shaǵyn fermerlerdi 2%-ben mıkronesıeleý arqyly qoldaý qajet dep sanaıdy. Agroónerkásiptik keshen sýbektileriniń yntymaqtastyǵynyń arqasynda óndiristi 20%-ǵa ulǵaıtý, sýbsıdııalar arqyly ozyq tehnologııalardy engizýdi yntalandyrý jáne shyǵyndardy azaıtý qajet.
Jınalysqa qatysýshylar usynylǵan sharalardy qoldaıtynyn jetkizdi.
ADAL partııasynyń tóraǵasy Serik Sultanǵalıdiń aıtýynsha, partııa tarapynan qazirgi tańda óte aýqymdy, mańyzdy jəne qajetti jumystar atqarylǵan.
