Almaty qalasynda alty adamdy birden qaǵyp, qashyp ketken júrgizýshi birneshe kúnnen keıin ustaldy. Oqıǵa «Selınnyı» kınoteatrynyń mańaıynda bolǵan. BMW X6 kóliginiń tizgininde otyrǵan 24 jasar Maqsat Úsenov esimdi jigit sol mańdaǵy jaıaý júrginshiler jolynyń ústinen adamdar qaqqan.
Almaty qalasynda alty adamdy birden qaǵyp, qashyp ketken júrgizýshi birneshe kúnnen keıin ustaldy. Oqıǵa «Selınnyı» kınoteatrynyń mańaıynda bolǵan. BMW X6 kóliginiń tizgininde otyrǵan 24 jasar Maqsat Úsenov esimdi jigit sol mańdaǵy jaıaý júrginshiler jolynyń ústinen adamdar qaqqan.Budan keıin aldy-artyna qaramaı ketip qalǵan júrgizýshi aqyry polıseılerdiń qolyna tústi.
Qashqyn júrgizýshi qazir óz kinásin tolyq moıyndapty. Medısınalyq saraptama qorytyndysy onyń alkogoldi ishimdik paıdalanbaǵanyn anyqtaǵan. Tekseris jumystary avtokóliktiń tehnıkalyq aqaýlyqtary jóninde de júrgizilgen.
Qazir júrgizýshige qatysty jol apatyna, kisi ólimine jáne oqıǵa ornynan qashyp ketýine baılanysty qylmystyq is qozǵalyp otyr.
Esterińizge sala ketsek, jeltoqsannyń 1-i kúni oryn alǵan oqıǵa jelisinde BMW X6 avtokóliginiń júrgizýshisi rýlge ıe bola almaı, beton qorshaýdy buzyp, trotýarǵa shyǵyp ketken. Al joldyń jıeginde sol sátte 4 qyz jáne 2 jigit turǵan. Olardyń eń úlkeni 23 jasta eken. Altaýy da birdeı avtokóliktiń soqqysyna ushyrap, oqıǵa ornynda bir azamat qaza tapqan. Qalǵandary ártúrli dene jaraqatyn alǵan. Soǵan qaramastan, kólik júrgizýshisi oqıǵa ornynan izin sýytyp úlgergen. Keıin ol osynda bolǵan kýágerler ózin kólikten julyp alyp, soqqyǵa jyqqany úshin qashyp ketkenin aıtyp aqtalypty.
Qurysh NURYMBET.
