Photographer: Oliver Contreras/CNP/Bloomberg
Sonymen qatar Twitter kompanııasynyń ókilderi Tramptyń áleýmettik medıa erejelerin buzatyn sońǵy úsh jazbasyn óshirýin suraǵan. Talap oryndalmaǵan jaǵdaıda onyń akkaýnty únemi buǵattalatynyn aıtqan.
Sondaı-aq Facebook pen YouTube áleýmettik jelileri Tramptyń Kapıtolııdiń janyndaǵy demonstranttardy úıge barýǵa shaqyryp, saılaýda berilgen daýysty «urlady» dep jarııalaǵan vıdeosyna tosqaýyl qoıdy.
Al AQSh Kongresiniń jumysy 6 qańtarda prezıdent Donald Tramptyń jaqtastarynan quralǵan narazylyq bildirýshiler ǵımaratqa basyp kirgennen keıin toqtatyldy.
Osy kezde Kongress ókilderi Djo Baıdenniń AQSh-tyń 46-shy prezıdenti laýazymyna kandıdatýrasyn maquldap jatqan edi. Kapıtolııdegi oqıǵa kezinde kongresmenderdi bir-birden ýly gazdan qorǵaıtyn quraldarmen syrtqa shyǵaryp jibergen.
AQSh-tyń jańadan saılanǵan prezıdenti Djo Baıden Trampty óz jaqtastaryn tynyshtandyrýǵa shaqyrdy. El astanasyndaǵy oqıǵalardy narazylyqqa emes, búlikke uqsatatynyn da aıtyp qaldy.
Tramp óz jaqtastaryn beıbitshilikke shaqyryp, polısııaǵa qoldaý kórsetýge tyrysty. Keıin Vashıngtondaǵy Kapıtolıı ǵımaraty narazylyq bildirýshilerden tazartylǵany belgili boldy. О́kinishke qaraı, ǵımarattaǵy narazylyq kezinde bir áıelge oq tıip, keıinirek ol qaıtys boldy.
