Jaqyndarynyń aıtýynsha, olar jigitti jumys izdep ketken bolar degen oımen múlde izdemegen. О́ıtkeni budan buryn da ol 2-3 ret iz-túzsiz ketip, jumys istep, qaıta oralǵan eken. Besinshi aı bola bastaǵanda habarsyz ketken ulyn ýaıymdaǵan ata-ana óz betinshe izdegen, biraq odan nátıje shyqpaǵan. Osydan soń olar polısııanyń kómegine júgingen.
Atalǵan jaıtty polıseıler birden tirkeýge alyp, jigitti izdeýge kirisedi. Oblys kólemindegi aýdandyq, qalalyq polısııa basqarma, bólimderine baǵytnamalar jiberiledi. Sonymen qatar tártip saqshylary joǵalǵan jigitti tez arada tabý maqsatynda surastyrý jumysyn júrgizedi.
Nátıjesinde tórt kúnnen soń iz-túzsiz ketken jigittiń júrgen jeri anyqtalyp, jedel ýákilder sol mekenjaıǵa jetedi. Iаǵnı polıseılerdiń izdestirý jumystarynyń nátıjesinde ol Shymkent qalasynda qumar oıyndaryn oınap júrgen jerinen anyqtalyp, polısııa bólimine jetkizildi.
Joǵalǵan jigit qaltasyndaǵy azyn-aýlaq aqshasymen jumys izdep shyǵyp ketip, alaıda qumar oıyndaryna degen qyzyǵýshylyǵynyń áserinen tapqan aqshasynyń barlyǵyn oıynǵa jumsap, keri qaıtaıyn dese jaqyndaryna aıtýǵa bata almaı, Shymkent qalasynda qalyp qoıǵan.
Jigittiń anasy polısııa qyzmetkerleriniń jedel túrde izdestirý jumystaryn júrgizip, ulyn din aman tapqanyna alǵysyn jetkizdi.
Osy rette oblys polıseıleri barlyq turǵyndarǵa eskertedi, egerde jaqynyńyz nemese tanysyńyz iz-túzsiz ketken bolsa birden ýaqyt joǵaltpaı polısııa qyzmetkerlerine habar berińiz. Der kezinde berilgen habar joǵalǵan jannyń tabylýyna óz septigin tıgizbek.
