Tujyrymdamany júzege asyrý aıasynda Almaty ákimi Baqytjan Saǵyntaev qala qurylysy qyzmetin retteıtin jańa erejeler ázirleýdi tapsyrdy. Olardyń negizgi maqsaty — almatylyqtar men bıznes qurylymdardyń múddelerin eskeretin júıeli sheshimder qabyldaý.
Erejeler jer ýchaskelerin ıgerýge, onyń ishinde buryn oń sheshimder berilgen jáne qurylysqa ruqsat berý qujattary berilgen ýchaskelerge de qoldanylady.
A.Ahmedjanov atap ótkendeı, qazirgi ýaqytta tarıhı ortalyq sheginde júrgizilgen taldaý jáne turǵyndardyń ótinishteri boıynsha jeke menshikte bolǵan 36 jer ýchaskesi anyqtaldy. Ýchaskeler 2 topqa bólinedi: qurylysy bastalǵan jáne bos. Qurylys 14 ýchaskede bastaldy, onyń ishinde 3 obektide qurylys toqtatyldy jáne ruqsat berý qujattary qaıtaryp alyndy.
Turǵyndardyń ótinishterin eskere otyryp, 11 obekt boıynsha qajetti usynymdar berildi (jol júrý, abattandyrý, qabattar sany boıynsha syzbalaryn uıymdastyrý jáne t.b.), sondaı-aq bul buryn eski qurylystardy buzý júzege asyrylǵan ýchaskeler boıynsha jasaldy.
Bos 22 jer ýchaskesi boıynsha mynalar sheshildi: 8 ýchaskeni alyp qoıýǵa (satyp alýǵa) jáne aýmaqty abattandyra jáne kógaldandyra otyryp, qoǵamdyq keńistikterdi uıymdastyrýdy qaraý usynylady; 14 ýchaske boıynsha qala qurylysyna shekteýler belgilendi: jasyl jelekterdi kesýge tyıym salý, qoldanystaǵy qurylystardy eskere otyryp, qabattardy shekteý, fýnksıonaldyq paıdalaný boıynsha shekteý.
Júıeli sheshim qabyldaý, jurtshylyqty aýmaqtarda qurylys salýdy talqylaýǵa tartý, sondaı-aq bıznesti qoldaý úshin teńdestirilgen sheshimder qabyldaý maqsatynda Almaty ákimi Baqytjan Saǵyntaev bar máselelerdi sheshý úshin tıisti qujat ázirleýdi tapsyrdy.
Bul qujattyń negizi erejeler mynalarǵa baǵyttalady:
- Tarıhı qurylys aımaqtaryn saqtaý maqsatynda erekshe qala qurylysyn retteý aımaqtaryn belgileı otyryp, qalany damytýǵa qoıylatyn qala qurylysy talaptaryn bekitý;
- kez-kelgen qurylys qoǵamdyq talqylaýdan keıin ǵana múmkin bolatyn tarıhı mańyzy bar nysandardy anyqtaý;
- qala qurylysyn erekshe retteý aımaqtarynda qurylys salý tyǵyzdyǵyn jáne ǵımarattardyń bıiktigin aıqyndaý;
- aerasııalyq rejımdi, jasyl ekpelerdi, qalalyq ortanyń jaılylyǵyn jaqsartýǵa qoıylatyn talaptar;
- Tarıhı kelbetti saqtaý úshin ǵımarattar men qurylystardyń qasbetterine qoıylatyn talaptar;
- turǵyndardy, qoǵam ókilderin, sarapshylardy tarta otyryp, jarııa qoǵamdyq talqylaýlar ótkizý jónindegi tetikterdi ázirleý.
Q-Lab qalalyq jobalar zerthanasynyń bazasynda daýys berýge jáne usynystar jınaýǵa arnalǵan quraldar (saýalnamalar, saýalnamalar jáne t.b.) qurylady jáne ornalastyrylady.
«Árbir qala turǵyny Almatynyń qoǵamdyq keńistigin ózgertý boıynsha óz ıdeıalaryn aıta alady. Qala turǵyndarynyń barlyq usynystary eskızderdi ázirleý kezinde qaralyp, eskeriletin bolady», - dedi A.Ahmedjanov.
Sondaı-aq, onyń aıtýynsha, ótken jyldyń 28 jeltoqsanynan bastap basqarma jáne «Almaty bas jospary» ǴZI» JShS mamandary qalanyń Bas josparyn túzetý boıynsha jumys toptarymen turaqty oflaın jáne onlaın konsýltasııalar ótkizýde.
Bul karantın jáne karantındik sharalardy kúsheıtý kezeńinde buryn-sońdy bolmaǵan jumys boldy. Bul proseske kásibı sarapshylar da, belsendi azamattyq ustanymy bar qarapaıym azamattar da qatysady. Onlaın kezdesýlerge qatysýshylardyń kópshiligin shaqyrý múmkindigin arttyrý boıynsha jumys júrgizilýde.
