Prezıdentimizdiń: «Biz ádiletti qoǵam men tıimdi memleket qurýdy kózdep otyrmyz. Kez kelgen iste ádildik qaǵıdatyn basshylyqqa alsaq, buǵan anyq qol jetkizemiz. Mysaly, turǵyndardyń turmysyn jaqsarta túspesek, elimizdiń jetistikteri men halyqaralyq tabystaryn maqtan etý artyq. Azamattarymyz ekonomıkalyq ósimniń ıgiligin sezine almasa, odan esh qaıyr joq. Men árbir sheshimdi qabyldar sátte osy ustanymdy basshylyqqa alamyn. Biz halyqtyń áleýmettik jaǵdaıyn jaqsartýmen qatar, barlyq azamattardyń múddesin birdeı qorǵaımyz. Meniń uǵymymdaǵy ádiletti memleket degenimiz – osy», degen júrekjardy sózi kimniń bolsyn kókeıindegini dóp basyp, kóńilinen shyqqany anyq.
Memleket basshysynyń Alash qaıratkerlerinen taǵylym alý, ótken ǵasyrdaǵy alapat asharshylyqqa memleket tarapynan baǵa berý, Jeltoqsan qaharmandarynyń azamattyq erligin laıyqty baǵalaý jaıly aıtqan oı-pikirleri de onyń «Halyq únine qulaq asatyn memleket qurý» tujyrymdamasynyń dáıektiligin aıǵaqtaǵandaı.
Qasym-Jomart Kemelulynyń: «Egemendigimizdiń máńgilik úshtaǵany – Altaıdan Atyraýǵa, Alataýdan Arqaǵa deıin keń kósilgen baıtaq jerimiz, ananyń aq sútimen boıymyzǵa daryǵan qasterli tilimiz jáne barlyq qıyndyqtardan halqymyzdy súrindirmeı alyp kele jatqan bereke-birligimiz. Biz osy úsh qundylyqty kózdiń qarashyǵyndaı saqtaımyz», degen jalyndy sózderin tebirenbeı oqý múmkin emes.
Memleket basshysy atalǵan maqalasynda qazaq jeri eshbir sheteldiktiń menshigine berilmeıdi, eshqashan satylmaıdy dep taǵy da málimdedi. Buǵan qosa, Qasym-Jomart Kemeluly: «Biz eńbek kúshi kóp ońtústik óńir turǵyndarynyń soltústik jáne shyǵys aımaqtarǵa qonystanýyna qolaıly jaǵdaı jasap, osy jumysty nazarda ustaımyz. Bul – óte ózekti ári elimizdiń qaýipsizdigine qatysty másele. Buǵan qosa, sońǵy jyldarda túrli sebepterge baılanysty báseńdep qalǵan qandastar kóshin barynsha qoldap, olardy joǵaryda aıtylǵan óńirlerge ornalastyrýdy jandandyramyz.
Bul eki máseleniń de strategııalyq mańyzy bar. Oǵan kezekti naýqan retinde qaraýǵa bolmaıdy. Jergilikti bılik mundaı jumystardy joǵaryǵa kópirgen aqpar berý úshin emes, memlekettik múdde jáne aǵaıynǵa shynaıy janashyrlyq turǵysynan jasaýǵa tıis», dep shegeleı aıtty. Iá, kórshiles Reseıdiń keıbir saıasatkerleri aty shýly jazýshy Aleksandr Soljenısynnyń ótken ǵasyrdyń sekseninshi jyldarynda aıtqan sandyraǵyn qaıtalap, qazaq jerine kóz alartyp otyrǵan qazirgi ýaqytta eń basty sharýa osy bolýǵa tıisti. Tuńǵysh Prezıdentimiz – Elbasy Nursultan Nazarbaevtyń kóregendigimen osydan birneshe jyl buryn qolǵa alynǵan qonys aýdarý baǵdarlamasyna sony serpin berip, keńinen óristetý qajet.
Bul rette Úkimetimiz Soltústik Qazaqstan oblysynda qonys aýdarýshylardy turǵyn úımen qamtamasyz etý jónindegi qanatqaqty jobany ózge soltústik-shyǵys óńirlerge de taratý máselesin birinshi kezekte qarastyrǵany jón. Budan qarjy aıaýǵa bolmaıdy. Sondaı-aq ońtústik oblystardyń kásipkerleriniń soltústik-shyǵys óńirlerden jer alyp, bıznesterin keńeıtýine jáne óz jerlesterin sol jaqtarǵa kóshirip aparyp, jumysqa ornalastyrýyna qolaıly múmkindik týǵyzylsa, quba-qup. Problemany keshendi túrde qarap, ońtústiktik óńirlerdegi aýdandyq jáne oblystyq deńgeıdegi basshy azamattardy soltústik-shyǵys óńirlerge rotasııalaý sııaqty yqpaldy sharalardy da qoldaný kerek sııaqty.
Soltústik-shyǵys óńirlerdegi oblystar men olardyń ortalyqtarynyń ataýlaryn qazaqylandyrý máselesin artyq ý-shýsyz, yń-shyńsyz sheshý úshin, eń aldymen, qoldanystaǵy zańnamaǵa ózgeris engizý qajet. Bul jónindegi quzyretti halyq saılaǵan Memleket basshysyna bergen jón shyǵar dep oılaımyn.
...О́z basym týyp-ósken óńirim – Soltústik Qazaqstan oblysyn Qyzyljar oblysy dep ózgertý týrasynda aıtylyp jatqan usynysty qoldaımyn. Al Petropavl qalasyn Abylaı han qalasy dep qaıta atasaq, durys emes pe? О́ıtkeni ol – Aq úıiniń aldynda atqa qonǵan uly babamyzdyń eskertkishi turǵan shahar ǵoı.
Káribaı MUSYRMAN,
Parlament Májilisiniń depýtaty
