Qazaqstandyq komandalar arasyndaǵy eń úzdik kórsetkish – Almatynyń «Qaırat» klýbyna tıesili. Byltyr araǵa 16 jyl salyp el chempıony atanǵan almatylyq ujym reıtıngte 234-orynda tur. Al buǵan deıin alty ret Qazaqstan chempıony atanyp, Eýrokýbok básekelerinde tabysty óner kórsetip júrgen elordanyń «Astana» komandasy 243-orynda keledi. Sonymen qatar «Ordabasy» (361-oryn), «Tobyl» (363), «Jetisý» (435), «Shahter» (454) jáne «Qaısar» (470) komandalary TOP-500 klýbtyń qatarynan kórindi.
Al reıtıngtiń kóshin byltyrǵy Chempıondar lıgasynyń jeńimpazy – «Bavarııa» bastap tur. Ekinshi orynǵa «Manchester Sıtı» jaıǵassa, «Lıverpýl» úzdik úshtikti túıindedi. Keıingi oryndarǵa «Barselona», «Real», «Atletıko», PSJ, «Iýventýs», «RB Leıpsıg» jáne «Manchester Iýnaıted» klýbtary ornalasqan.
