Bıznes ókilderi, kásiporyndar, fermerler, bilim berý uıymdarynyń qyzmetkerleri, densaýlyq saqtaý mekemeleriniń qyzmetkerleri, zeınetkerler jáne jastar – ADAL partııasy atynan Májilis depýtattyǵyna úmitkerler ótkizetin kezdesýlerdiń qatysýshylary.
Partııa belsendileri uıymdastyrǵan keshegi kezdesýde partııa múshesi Alına Asqarova «Partııa bilim berý, densaýlyq saqtaý jáne bızneste azamattardy qoldaý máselelerin ilgeriletýge nıetti», dedi jınalǵan qaýymǵa.
Halyqpen ár kezdesý partııanyń saılaýaldy baǵdarlamasyn, turǵyndardyń problemalyq máseleleri men usynystaryn belsendi talqylaýmen ótedi.
Mundaı kezdesýler, memleket astanasy Nur-Sultanda ótti. Májilis depýtattyǵyna úmitker Alına Asqarova, sondaı-aq qalalyq máslıhat depýtattyǵyna úmitker Serikbol Ábjanov elorda jastarymen jáne kásipkerlerimen egjeı-tegjeıli áńgimelesti.
Kezdesýge qatysýshylardyń kópshiligi ADAL-dan bıznes máselelerin sheshýge kómektesýin surady.
– Karantın kezinde kóptegen kásip is júzinde toqtady. Shekteý kásipkerlerge zııan tıgizdi. Ásirese, óz isin endi bastaǵandar kóp zardap shekti. Partııa qıyn kezeńderde jáne jumysynyń alǵashqy jyldarynda bıznesti qoldaýdyń tıimdi sharalaryn alǵa tartsa jaqsy bolar edi, – deıdi kezdesýge qatysýshy azamattar.
Alına Asqarova bul usynysqa bylaı dep jaýap berdi:
– Partııa baǵdarlamasy problemalyq nesıelerge raqymshylyq jasaý, jeńildetilgen nesıe berý jáne basqa da sharalardy qarastyrady. Sonymen qatar saılaý nátıjesi qandaı bolatynyna qaramastan, partııa azamattardy bilim berý, densaýlyq saqtaý jáne bızneste qoldaý máselelerin ilgeriletýge nıetti ekenin atap ótkim keledi, – dedi.
Partııanyń basymdyqtary týraly tolyq aqparatty tyńdap, qatysýshylar óz qoldaýyn bildirdi.
Alına Asqarova men qalalyq máslıhat depýtattyǵyna úmitker Elmıra Sakalovanyń qatysýymen taǵy bir kezdesý ótti.
Elordanyń belsendi eriktileri ózderiniń qaıyrymdylyq qyzmeti týraly aıtyp berdi. Olar «Nur-Sultan kómek qory» jumysy týraly sóz qozǵady.
Eriktiler muqtaj jandarǵa azyq-túlik jıyntyqtaryn, otbasylarǵa zań kómegi jáne aýyr naýqas balalarǵa kómek kórsetý is-sharalaryn ótkizýde kómektesedi.
Kezdesýge qatysýshylar ýnıversıtetterde bilim sapasyn arttyrý, tegin bilim, granttar sanyn kóbeıtý kerek degen pikirlerin bildirdi. Sonymen qatar olar jas-
tardy jumyspen qamtýǵa kómek kórsetý qajettiligi týraly máseleler kóterdi.
Jalpy, turǵyndar memleket tarapynan kórsetiletin kómek ýaqtyly jəne shynaıy, sapaly bolǵanyn qalaıdy. ADAL partııasynyń ókilderi bul máseleni qaraýsyz qaldyrmaıtynyn jəne atalǵan problemalardyń barlyǵynyń naqty sheshimin tabýyna partııa óz kezeginde atsalysatynyn jetkizdi.
