Ortalyq Afrıka Respýblıkasynyń astanasy – Bangı qalasynda eki fransýz áskerıi qaza tapty. Bul týraly Fransııa prezıdenti ákimshiligine silteme jasaı otyryp «Frans Press» agenttigi habarlady.
Bul fransýz armııasynyń OAR aýmaǵyna 6 jeltoqsan kúni engennen bergi alǵashqy qurbandyqtary bolyp tabylady. Fransýzdar atalǵan el aýmaǵyna búlikshilerge qarsy operasııalar júrgizý úshin engizilgen edi. Osynyń aldynda fransýzdar dinaralyq janjalǵa qatysýshy qarýly jasaqtardan qarýlaryn tastaýdy talap etken bolatyn. Eger talap oryndalmaǵan jaǵdaıda kúsh qoldanatyndyqtaryn málimdegen edi. Jalpy, OAR-daǵy turaqsyzdyq ústimizdegi jyldyń naýryz aıynan, elde tóńkeris júzege asqannan beri jalǵasyp keledi.
Sharaına
Fransýzdardyń alǵashqy qurbandyqtary
Ortalyq Afrıka Respýblıkasynyń astanasy – Bangı qalasynda eki fransýz áskerıi qaza tapty. Bul týraly Fransııa prezıdenti ákimshiligine silteme jasaı otyryp «Frans Press» agenttigi habarlady.
Bul fransýz armııasynyń OAR aýmaǵyna 6 jeltoqsan kúni engennen bergi alǵashqy qurbandyqtary bolyp tabylady. Fransýzdar atalǵan el aýmaǵyna búlikshilerge qarsy operasııalar júrgizý úshin engizilgen edi. Osynyń aldynda fransýzdar dinaralyq janjalǵa qatysýshy qarýly jasaqtardan qarýlaryn tastaýdy talap etken bolatyn. Eger talap oryndalmaǵan jaǵdaıda kúsh qoldanatyndyqtaryn málimdegen edi. Jalpy, OAR-daǵy turaqsyzdyq ústimizdegi jyldyń naýryz aıynan, elde tóńkeris júzege asqannan beri jalǵasyp keledi.
Mılısııa barrıkadalardy buzdy
«Búrkit» arnaıy bólimsheleriniń jasaqtary men mılısııa qyzmetkerleri 10 jeltoqsanǵa qaraǵan túni Ýkraına prezıdenti ákimshiliginiń tóńiregindegi Lıýteran kóshesinde ornatylǵan barrıkadalardy jáne qurylǵan palatkalardy buzyp tastady.
Barlyq narazylyq aksııasyna qatysýshylar kósheden yǵystyryp shyǵaryldy. Qýý kezinde mıtıngke shyǵýshylar men mılısııa arasynda qaqtyǵys oryn aldy. Osynyń saldarynan birneshe adam zardap shekti. Sońǵy málimet boıynsha jaraqat alǵandar 10 adam delinip otyr. Buǵan deıin Shelkovıchnaıa men akademık Bogomoles kósheleriniń qıylysyndaǵy barrıkada jáne Grýshevskıı kóshesi men Krepostnoı qıylysyndaǵy qorshaý qıratylǵan edi. Qysqasy, Ýkraınada qashan tynyshtyq ornaıtyny belgisiz.
AQSh tarapynyń kúdigi kúshti
AQSh bıligi keıbir Reseı dıplomattaryna qatysty jansyzdyq jasady degen kúdik bildirdi. Olar buǵan deıin medısınalyq saqtandyrýǵa baılanysty alaıaqtyq jasady dep aıyptalǵan bolatyn. Bul jóninde Federaldyq barlaý basqarmasyna silteme jasaı otyryp, CNN habarlady.
Reseılik dıplomattarǵa shpıondyq jasady degen kúdik keltirilgeli birshama ýaqyt bolǵanymen, jetkilikti kólemde aıǵaq jınaqtalmaǵan eken. Sondyqtan AQSh ádilet mınıstrligi áýelde alaıaqtyq baby boıynsha aıyp taqqan-tyn. Derek kózi sońǵysynda qansha dıplomatqa kúdik keltirilgenin naqtylamaıdy. Al Qurama Shtattar alaıaqtyq jasady dep 25 qazirgi jáne burynǵy dıplomattarǵa jáne olardyń 24 zaıybyna aıyp taqqany 5 jeltoqsanda belgili bolǵan edi. Tergeý nusqasy boıynsha, olar eńbekaqylaryn tómen etip kórsetken jáne osynyń nátıjesinde jeńildetilgen medısınalyq kómek alyp kelgen.
Qysqa qaıyryp aıtqanda:
* Ispanııalyq BAQ ókilderi Sırııada eki ıspan jýrnalısi ustaýda otyrǵanyn jarııa etti. Jýrnalısterdi urlaý Túrkııamen shekaradaǵy ótkizý pýnktinde oryn alǵan. Olar eki aptaǵa sozylǵan redaksııa tapsyrmasyn oryndaǵannan keıin Sırııa aýmaǵyn tastap shyqpaq bolǵan kezderinde urlanypty.
*Reseı men Kýba Keńes Odaǵyna tıesili 29 mıllıard dollar qaryzdy joıý týraly ýaǵdalastyqqa keldi. Sóıtip, Máskeý 32 mıllıard dollar qaryzdyń 29 mıllıardyn keshirýge sheshim qabyldady. Gavana qalǵan 3,2 mıllıard dollardy on jyl ishinde tólep bitirgen jaǵdaıda ýaǵdalastyq kúshinde qalady.
* 1976 jyly qaza tapqan Brazılııanyń eks-prezıdenti Jýselın Kýbıchek óz ólimimen ólmepti. Ol áskerı dıktatýra uıymdastyrǵan qanquıly árekettiń qurbanyna aınalypty. Bul týraly San-Paýlý qalalyq keńesiniń músheleri kiretin arnaıy tekserý komıssııasy málimdedi. Komıssııanyń tolyq baıandamasy jaqynda jarııalanady.
*Ataqty kınoakter Brıýs Lıdiń sary kombınezony aýksıonǵa qoıylǵan edi. Gonkongte ótken saýda-sattyqta atalǵan kombınezon 83 myń AQSh dollaryna satyldy. Kostıýmdi kim satyp alǵany belgisiz. Belgilisi – Brıýs Lı ony 1972 jyly túsirilgen «О́lim oıyny» fılminde kıgen bolatyn.
Áskerı kezekshilikke kiristi
Belarýs pen Reseıdiń áskerı ushqyshtary keshe birlesken áskerı kezekshilikke kiristi. Bul týraly Belarýs qorǵanys mınıstrliginiń baspasóz qyzmeti habarlady. Atalǵan shara kezekshi kúshterdiń áskerı múmkindigin joǵarylatýdy jáne eki el áýe keńistiginiń kúzetin kúsheıtýdi kózdeıdi.
Kezekshilikke kirisý týraly buıryqty Belarýs qorǵanys mınıstrliginiń áskerı-áýe kúshteri men áýe shabýylynan qorǵanys áskerleriniń qolbasshysy general-maıor Oleg Dvıgalev bergen. Osydan birneshe kún buryn Belarýske reseılik tórt Sý-27 joıǵysh ushaǵy men tehnıkalyq personal jetkizilgen bolatyn. Olardy el aýmaǵyna ornalastyrý týraly eki el basshylyǵy ótken kóktemde ýaǵdalasqan eken. Kezekshilik Brest oblysyndaǵy Baranovıchı avıabazasynda júzege asyrylýda.
Daǵdarys paıdasy orasan
AQSh halqynyń 2008 jylǵy daǵdarystan keıin qaltalary qampıyp shyǵa keldi. Tolyq emes bes jylda olardyń jıyntyq baılyǵy 20 trıllıon dollarǵa ulǵaıdy. Bul týraly Federaldy rezerv júıesine silteme jasaı otyryp, «Assosheıted Press» agenttigi habarlady.
Birinshi kezekte halyqtyń ál-aýqatynyń artýyna qor rynoktaryndaǵy ósim men jyljymaıtyn múlikterdiń qymbattaýy oń áser etken. Rezerv júıesiniń derekterine sáıkes, ústimizdegi jyldyń shildesi men qyrkúıegi aralyǵynda amerıkalyqtardyń jalpy jaǵdaıy 2,6 paıyzǵa artyp, 77,3 trıllıon dollarǵa jetken. 2008 jyly bul kórsetkish 57,2 trıllıon dollardy qurasa kerek. Bir ókinishtisi, amerıkalyqtardyń jalpy jaǵdaıy jaqsarǵanymen, baılar men kedeıler arasyndaǵy arasalmaq saqtalyp otyr.
О́li teńizdi «ólimnen» qutqarmaq
Taıaý Shyǵys elderi – Izraıl, Iordanııa jáne Palestına avtonomııasy О́li teńizdi qutqarý jónindegi josparǵa qol qoıdy. Qol qoıý saltanaty burnaǵy kúni AQSh astanasy – Vashıngton qalasyndaǵy Búkilálemdik banktiń shtab-páterinde ótti.
Kelisim sýdy Qyzyl teńizdiń soltústigindegi Akab buǵazynan О́li teńizge jetkizetin uzyndyǵy 180 shaqyrymdyq qubyr jelisi qurylysyn qarastyrady. Jobanyń quny shamamen 300-400 mıllıon dollar delinip otyr. Ony 4-5 jylda aıaqtaý kózdeledi. Joba sheńberinde, sondaı-aq, Iordanııa sýdy tushytatyn zaýyt salýy tıis. Al ol jyl saıyn 80-100 mıllıon tekshe metr tushy sý óndirýge qabiletti bolady dep kútilýde. Jańa qubyrdyń arqasynda О́li teńizge jyl saıyn shamamen 200 mıllıon tekshe metr teńiz sýy quıylyp turady degen boljam bar.
Internet materıaldary negizinde ázirlendi.
