Fotolar bbc.com saıtynan alyndy / REUTERS
Bıyl Ispanııada qys qaharyna minip tur. Eki kún buryn ǵana eldegi aýa temperatýrasy -34,1 °C kórsetkeni týraly aqparat taraǵan edi. Aýa raıynyń qolaısyzdyǵy ázirge turaqtalatyn emes. Aldaǵy 24 saǵatta 20 sm-ge deıin qar jaýýy múmkin degen boljam jasalyp otyr.
Qazirdiń ózinde qalalardy qardan tazartý jumystary qyzý júrip jatyr. Qalyń qardyń saldarynan juma kúni keshke birneshe avtokólik el astanasyna kiretin avtojolda turyp qalǵan.
Keptelip qalǵan júrgizýshilerge kómek kórsetý úshin órt sóndirýshiler shaqyryldy. Keıbir aýdandarda joldardy tazartýǵa kómektesý úshin ásker jumyldyrylǵan.
Bılik adamdardan alys saparǵa shyqpaýdy eskerip jatyr.
Jergilikti BAQ-tyń habarlaýynsha, Madrıdte mundaı jaǵdaı 40 jyl buryn ǵana bolǵan kórinedi. Sondyqtan da bolar AEMET meteorologııalyq agenttigi qardyń «erekshe jáne tarıhı bolýy múmkin» dep málimdedi.
«Madrıdtegi ataqty Pýerta-del-Sol alańynda birneshe adam qys qyzyqtarynan lázzat alyp, serýendep júrgeni baıqalady. Tipti olardyń sany kóbeıe bastaǵandyqtan qaladaǵy úlken saıabaqtar saqtyq sharasy retinde jabyldy» , - dep habarlaıdy AFP agenttigi.
Mundaı qysty kórmegen ıspandyqtar áıgili Gran-Vıa kóshesinde shańǵymen syrǵanap júr.
Batys Eýropanyń eń úlken kedeıleý qalasy Kanıada-Real turǵyndary jylyný úshin kóshede ot jaǵýǵa deıin barǵan.
Demalystan keıin sýyq aýa raıy saqtalady, al beısenbide Madrıdtegi temperatýra -12 gradýsqa jetedi dep boljanýda.
