Parlament májilisi men máslıhattarynyń saılaýyna kelgen Memlekettik hatshy kezekti saıası naýqan elimizdiń táýelsizdik irgetasyn bekitýge baǵyttalǵan jumys ekenin jetkizdi.
– Búgin – aıryqsha, mańyzdy saıası naýqan. О́ıtkeni bizdiń eń asyl muratymyz – el táýelsizdigin nyǵaıtý jolynda jáne óskeleń urpaqtyń aldynda jaýapkershiligimiz bar. Halqymyz osyny jadynda ustaı júrip árdaıym óziniń parasattylyǵy men birligin kórsetip keledi. Sol jaýapkershiliktiń bıiginde bolamyz.
Qazir álemde oryn alyp otyrǵan jaǵdaıdy ózderińiz bilesizder, qoǵamdy jik-jikke bólip, áleýmettik kıkiljińge jetkizip jatyr. Men Qazaqstannyń azamaty retinde bul saılaýda uly maqsat jolyndaǵy ultymyzdyń aýyzbirshiligi men yntymaǵyn, eń asyl qasıetterimizdi kórsete alamyz dep senemin, – dedi Q.Eleýuly.
Aıta keteıik, tańǵy saǵat toǵyzda saılaý ýchaskesinen boı kórsetkenimizde, saılaýshylardyń belsendiligi baıqaldy. Tańerteńgi saǵat 7-de ashylǵan ýrnadaǵy birshama jınalyp qalǵan daýys berý qaǵazdary osyny kórsetti.
