Saılaý ýchaskesiniń tóraǵasy Marat Mýsınniń aıtýynsha, ýchaskede 3 592 saılaýshy tirkelgen.
«Ýchaske ýaqytynda ashylyp, saǵat 07:00-den bastap turǵyndar daýys berýge kelip jatyr. Daýys berýge kelý qarqyny jaqsy. Saılaý ýchaskesindegi barlyq rásimder zańnamaǵa sáıkes iske asyryldy», - dedi ýchaske tóraǵasy.
Ýchaskege saǵat 06:00-den bastap baıqaýshylar jáne BAQ ókilderi keldi. Tańerteńnen beri baıqaýshylar tarapynan eskertýler boǵan joq dedi ol.
Ýchaskede daýys berý zaly ortalyq holda ornalasqan. Saılaýshylardy negizgi kireberisten kirgizip jatyr. Ol jerde aldymen kúzet qyzmetiniń tekserisinen ótý kerek.
Odan keıin ishke qaraı kirýge ruqsat bar. Saılaý ýchaskesiniń músheleri shyny tosqaýyldyń arǵy jaǵynda otyrady. Al bıýlletenderdi astynan beredi. Bul - saqtyq sharalary.
Eske sala keteıik, elimizde Parlamenti Májilisi men máslıhat depýtattaryn saılaý bastaldy. Qazaqstan boıynsha 10 061 saılaý ýchaskesi jumys istep tur. Tutastaı saılaýshylardyń sany 11 mln 820 myń adamdy quraıdy. Nur-Sultan ýaqyty saǵat 10.00 boıynsha elektorattyń 11,6% daýys berip úlgerdi.
