Sondaı-aq, Jambyl oblystyq saılaý komıssııasynda 5 partııanyń fılıaldarynan 206 mandatqa 523 kandıdat tirkelgen. Onyń ishinde «Nur Otan» partııasynan 390 kandıdat, «Aýyl» partııasynan 44 kandıdat, «Aq jol» partııasynan 44 kandıdat, «Adal» partııasynan 31 kandıdat jáne «Qazaqstannyń Halyq partııasynan» 14 kandıdat bar. Oblystyq saılaý komıssııasynyń málimetinshe, eldegi epıdemııalyq jaǵdaıǵa baılanysty barlyq saılaý ýchaskelerinde sanıtarlyq talaptar qatań saqtalýda. Sondaı-aq ýchaskelik jáne aýmaqtyq komıssııalardyń jumysyna 3,8 myńnan astam adam qatysýda. Saılaý ýchaskelerindegi daýys berý prosesin 6500-den astam baqylaýshy baqylaýda. Onyń quramynda saıası partııalar men qoǵamdyq birlestikterdiń ókilderi bar.
О́ńirdegi saılaý ýchaskeleri jumysyn tańǵy saǵat 7:00-de bastady. Baqylaýshylardyń aıtýynsha, alǵashqy saǵattardan-aq azamattar saılaýǵa qatysýda joǵary belsendilik tanytqan. Sonymen qatar, jambyldyqtar turǵyndardy saılaýǵa belsendi qatysýǵa jáne shet qalmaýǵa shaqyrýda. Saılaýǵa qatysýshylar búgin erekshe kún ekenin, memlekettiń saıası baǵyty ár saılaýshynyń daýysyna baılanysty ekenin jetkizýde. M.H.Dýlatı atyndaǵy Taraz óńirlik ýnıversıtetiniń birinshi prorektory Erjan Ámirbekuly bul saılaý eldiń saıası júıesiniń jańarýyn, sondaı-aq, Qazaqstandy demokratııalandyrý men jańartýǵa degen umtylysyn kórsetetinin atap ótti.
Sonymen qatar Baızaq aýdany, Býryl aýylynyń turǵyny Úmit Bashatov: «Bul kez-kelgen azamat úshin bolashaqtyń negizin qalaýǵa úles qosatyn asa mańyzdy oqıǵa. Men Qazaqstannyń odan ári damýǵa jeteleıtin reformalar jolymen júretinine senimdimin», deıdi.
Al Talas aýdany, Qasqabulaq aýylynyń turǵyny Sýlhadın Mustafaev elimizdiń kez-kelgen azamaty daýys berýge quqyly ekenin, daýys berý arqyly turǵyndar órkendeý, ultaralyq kelisim jáne turaqtylyqty nyǵaıtý jolyn tańdaıtynyn jetkizdi.
