Baıqaýshylar halyqaralyq akkredıtasııadan ótip, PTR-test tapsyrypty. Olardyń pikirinshe, saılaý joǵary deńgeıde uıymdastyrylyp otyr.
«Eń aldymen, búgingi saılaýda daýys berýshilerdiń qaýipsizdigine basa mán berildi. Barlyq ýchaske sanıtarlyq quraldarmen, onyń ishinde qorǵanysh ekrandary, sanıtarlyq kilemsheler, qol sanıtaızerleri, medısınalyq maskalarmen jabdyqtaldy. Zań buzýshylyq baıqalǵan joq», deıdi TMD mıssııasymen kelgen halyqaralyq baıqaýshy Vladımır Zolotokopov.
TMD mıssııasynyń taǵy ókili, baıqaýshy Sergeı Voronovtyń pikirinshe, saılaý Qazaqstan Respýblıkasynyń zańdaryna, halyqaralyq adam quqyqtaryn qorǵaý jónindegi talaptarǵa sáıkes ótti.
«Qazaqsatnda halyqaralyq baıqaýshylardyń kedergisiz jumys isteýine barlyq jaǵdaı jasaldy. Saılaý ýchaskelerine kelgen daýys berýshiler belsendilik tanytty. Bul saılaý Qazaqstannyń saıası-ekonomıkalyq, áleýmettik rýhanı damýynyń jańa belesi bolaryna senemin», deıdi baıqaýshy Sergeı Voronov.
Halyqaralyq baıqaýshylar Atyraý qalasyndaǵy, sondaı-aq, aýdan men aýyldardaǵy saılaý ýchaskelerin aralap shyqty. Olar saılaý ýchaskelerindegi sanıtarlyq qaýipsizdik sharalaryn, saılaý prosesin baqylady.
