Nurotandyqtardy quttyqtady

Birinshi kezekte aıta keteıik, exit-poll qorytyndysyna sáıkes Nur Otan partııasy saılaýshylardyń 71,97 paıyz daýysyn jınady.

– Barshańyzdy Nur Otan par­tııasynyń aıqyn jeńisimen qut­tyq­taımyn. Exit-poll-dyń aldyn ala nátıjeleri qazaqstandyqtar elimizdiń ári qaraı damýyn bizdiń partııamyzben baılanystyratynyn kórsetti. Saılaýdyń el Táýelsizdiginiń 30 jyl­dyǵymen tuspa-tus kelýiniń sım­voldyq máni bar. Osy ýaqytta orasan zor jumys atqaryldy. Eń bas­tysy – jańa aýqymdy maqsattarǵa qol jetkizý úshin berik negiz qalandy, – dedi Elbasy.

Nur Otan partııasynyń Tóraǵasy saılaýaldy úgit-nasıhat naýqany men saılaý pandemııa jáne sonyń saldarynan týyndaǵan ekonomıkalyq daǵdarys jaǵdaıynda ótkenin aıtty.

– Álemde koronavırýs inde­tine shaldyqqandar sany artýda. Dú­nıejúzilik bank álemdik ekono­mıka quldyrap, jumys­syzdyq ósedi dep boljap otyr. Bul jaǵdaıda bir­tutas saıası kúshtiń aınalasyna toptasqan qoǵam ǵana jeńiske jetedi, – dedi Qazaqstannyń Tuńǵysh Pre­zı­denti.

Nursultan Nazarbaev búgingi jetistik jumyla atqarylǵan jumys pen partııanyń árbir múshesiniń eseli eńbeginiń nátıjesi ekenin atap ótti.

– Barshańyzǵa atqarylǵan jumys úshin rızashylyǵymdy bildiremin jáne tek jaqsylyq tileımin. Naýqan tıimdi ári nátıjeli ótti. Partııa qatary jańardy. Halyq arasynda bedeli bıik jańa kóshbasshylarymyz bar. Ár aýdannyń, qalanyń, oblystyń damýy úshin halyqtyq baǵdarlamalar ázirlendi, – dedi partııa Tóraǵasy.

Elbasy Nur Otan partııasynyń saılaýaldy baǵdarlamasy Bes ınstı­tý­sıonaldyq reformanyń, sonyń ishinde Memleket basshysynyń halyqqa Jol­daýynda bergen tapsyrmalarynyń jal­ǵasy ekenin aıtty.

– Nur Otan partııasynyń basty maqsaty – halyqtyń turmysyn jaq­sartý jáne eldigimizdi nyǵaıta berý. El bolyp birige bilsek, alynbaıtyn asý joq. Basymyzǵa túsken qıyn­dyq­tardy biz árdaıym birge eńserip, jetis­tikterge birlese jetemiz. Bar­shańyzdy partııamyzdyń búgingi jeńisimen quttyqtaımyn, – dedi Elbasy.