Bıylǵy maýsymdaǵy eki komanda arasyndaǵy alǵashqy oıyn qazan aıynda «Ýrales» sport kesheninde ótip, muzaıdyn ıeleri 3:2 esebimen basym túsken edi. Araǵa úsh aı salyp eki ujymnyń joly taǵy da dál sol sport kesheninde túıisti. Alaıda bul joly jerlesterimiz 3:2 nátıjesimen jeńiske jetip, qarsylastarynan ese qaıtardy. Kezdesý bastala sala oıyn tizginin óz qoldaryna alǵan «Barys» hokkeıshileri 4-mınýtta esep ashty. «Amýrǵa» qarsy ótken alǵashqy oıynnyń qaharmanyna aınalǵan Roman Starchenko bul joly da mergendigimen kózge tústi. Al kezeń ortasynda Iаkob Lılıa (10-mınýt) qonaqtardyń basymdyǵyn nyǵaıtty.
Ekinshi kezeńniń basynda «Barys» quramyna jýyrda ǵana qosylǵan Kırıll Panıýkov (23-mınýt) maýsymdaǵy alǵashqy, komandasynyń oıyndaǵy úshinshi golyn soqty. Úziliske az ýaqyt qalǵanda Anatolıı Golyshev (38-mınýt) esep aıyrmasyn qysqartýǵa múmkindik aldy. Sońǵy aınalymda Pıter Holland esepti 3:2-ge jetkizgenimen, komandasyn jeńilisten qutqaryp qala almady. Jerlesterimiz keıingi kezdesýin erteń elordadaǵy «Barys Arena» sport kesheninde Qazannyń «Ak Bars» klýbymen ótkizedi.
